Amed

Hevserokê BDP'ê Selahattin Demirtaş li Amedê di Kongreya Ciwanan de axivî. Vaye ji axaftina Demirtaş çend not:

- Azadî tenê li kuçeyan û tenê li ber maseyê (balê dikişîne maseya muzakereyê) nayê bi dest xistin. Ger em kuçe û maseyê nekin yek, bi rihê berxwedanê li her derê ne li ser piyan bin, tu wateya maseyê nîn e. Em tenê bi maseyê bikevin rê ne mimkûn e muzakere bi aştiyê bi encam bibe. Ger em dixwazin ev pêvajoya ku Serok Apo daye dest pê kirin bibe domdar, bilind bibe, bigihîje çareseriyeke demokratîk û bigihîje serketinê wê çaxê divê em têkoşîneke li gor muzakere û diyalogê bidin. Ciwan divê di her qada jiyanê de xwe bi rêxistin bikin, ev yek tiştek jêvenager e. Ciwanên ku ne bi rêxistin bin hêza wê ji bo gel talûke ye.

- Gere em ne li bendê bin ku her iştî Ocalan çareser bike. Ew 35 sal in barê herî giran ê vê têkoşînê girtiye ser milên xwe, 15 sal in jî di çalekê de hewl dide, em ne li bendê bin ku her tiştî ew bike. Em bi xwe mê ava bikin. Emê bi destên xwe çareseriyên xwe ava bikin.

- Ji dewletê xwestinê wêdetir emê ji bo zimanê xwe yê zikmakî têbikoşin. Ciwan di vî warî de divê dibistanan vekin, pirtûkên dersan amade bikin. Divê her zaravaya kurdî bê asta ku pê perwerdehî bê kirin. Êrîş ji ku bê bila bê, bi kîjan rêbazî tê bila bê, divê em bersiva herî mezin di cih de bidin. Ciwan divê bibin aktorên xwe bi rê ve birinê. Rihê ciwanan dikare hemû xitimînan veke. Mazlum Doganî di 24 saliya xwe de li zindana Amedê dîrok nivîsî. Wî berxwedan emanetê me kiriye.

- Kurdistan ji xweliya xwe dê ji nû ve vejî. Yekîtiya demokratîk a neteweya kurd çiqas pêdiviyên vê yekê bîne cih ew qas zû dê ev têkoşîn bigihîje armancê. Di demeke kurd de di encama daxwazên gel de dê Serok Apo azad bibe. Gelekî serokê wê li çalekê be, li wê derê dîl bê girtin, nikare muzakereyan bidomîne. Gel vê yekê qebûl nake. Di dema pêşiya me de yek ji xalên herî girîng a muzakereyan azadiya Apo ye. Bêyî serok azad bibe ev pêvajo nameşe.

- Di roja me ya îro de Serokomarê Iraqê, Serokê Yekîtiya Niştimanî Kurdistan Celal Telebanî gere li nav siyasetê ba. Ev roj ew roj in. Birêz Telebanî baş bibe dê kedê ji bo vê pêvajoyê xerc bike. Em di şexsê birêz Telebanî de silavên xwe ji bo hemû gelê Kurdistanê dişînin.

**

Nûçeya li ser Kongreya Ciwanan:

- Rêberên pêşerojê li Amedê hatin ba hev