Diyarname

Di "Doza KCK'ê ya Sereke' de ku 94 jê girtî 175 kes têne darizandin îro di danişînê de du kes hatin berdan.

61'emîn danişîna "Doza KCK'ê" îro li 6'emîn Dadgeha Cezayê Giran a Amedê li dar ket. Di danişînê de girtiyan got, "Ewê îfade nedin dadgehên bi rayeya taybet" û îfade nedan. Li ser navê girtiyan Herdem Kizilkaya axivî û got: "Em îfadeyê nadin dadgehên bi rayeya taybet. Em ji darizandinê narevin lê em darizandineke adil dixwazin. Ger darizandineke adil hebe emê îfade bidin."

Piştî ku girtî û malbatên wan ji salona dadgehê derketin, parêzeran got ku ew ji danişînê vedikişin.

Li ser vê heyeta dadgehê navber da danişînê lê berî vê biryara berdana Şaredarê berê yê Wêranşarê Emrullah Cin û parêzer Siracettin Irmak da û doz ji bo 14'ê avrêlê taloq kir.