Diyarname

Li gor îstatîstîkan li vî welatî herî zêde pirtûkên erotîk ji pirtûkxaneyan hatine girtin û xwendin.

Li Îngilistanê di 12 mehên dawî de herî zêde pirtûkên erotîk û yên li ser têkiliyên cinsî ji pirtûkxaneyan hatine girtin û hatine xwendin. Ev reqem li gor salên berê sedî 500 zêde bûye. 

Li gor îstatîstîkan pirtûka E.L.James "Fifty Shades of Grey" ketiye nava sê pirtûkên ku herî zêde ji pirtûkxaneya ji bo xwendinê bi deyn hatiye girtin. Rêzeyên din ên vê pirtûkê jî ketin nav 10 pirtûkên ku herî zêde hatine xwendin.

Pirtûka E.L.James qala çîroka têkiliyên cinsî yên keçikek xwendekara zanîngehê û karsazekî dewlemend ê karîzmatîk dike. Ev pirtûk li temamê dinyayê li 52 zimanan hatiye wergerandin û heta niha ji 90 mîlyon hebî zêdetir hatiye firotin.

Li Îngilistanê pirtûkên ku herî zêde ji pirtûkxaneyan ji bo xwendinê hatine girtin pirtûkên Lee Child "The Affair" û "Wanted Man" di rêza yekemîn de cih girtine. 

Her wiha romana erotîk "Destinet to Feel" a Indigo Bloome ku par pirtûka herî zêde hatibû xwendin bû îsal 11 hezar û 700 caran ji pirtûkxaneyê hatiye girtin.