NAVENDA NÛÇEYAN

Berendamê Partiya Aştî û Demokrasiyê (BDP) yê Hevserokatiya Şaredariya Bajarê Mezin a Rihayê Osman Baydemîr di hesaba xwe ya twîtterê de sipasiya gelê Rihayê kir û got ku “diz di qadên tarî de dixebitin, yên ku malê gel, malê raya giştî didizin bi misogerî wê dengên me jî bidizin û bidin dizîn” û ji ber dengên gel neparastin, daxwaza helkirinê xwest.

Baydemîr li ser hesaba xwe ya @baydemirosman a twîtterê de girêdayî hilbijartinên Riha daxuyaniyek da. 

Baydemîr wiha nivîsî:

“Di pêvajoya kampanya 65 rojan dom kir de gelê Riha yê ku em wekî zarokên xwe hembêz kirin cardin sipasiya wan dikim.

Di tevayî pêvajoya kampanyayê de hedefa me a bingehîn, di hilbijartinê de çanda demokratîk dana rûniştandin û li qada dilnizmiyê de pêkanîn bû.

Hilbijartinên Rihayê li tevayê Tirkiyeyê bû mînak, di nava nezaketê de derbasbûna wê, ez bawer dikim ku hewildana me têde heye.

Me şahidiya hilbijartina herî reş a di dîroka Komarê de kir, mixabin roja hilbijartinê Riha xistin nava tarîtiyê, ceyran birîn.

Diz li qadên tarî dixebitin, yên ku malê gel û raya giştî bidin bi misogerî wê dengên me jî bidin û bidin dizîn.

Wekî ku ev ne yekem hilbijartina me ya li Riha ye, wê nebe hilbijartina dawî jî. Emê bi biryar xizmeta doza gelê me a mafdar bidomînin.

Bi gelê Rihayê re; ji bo parastina maf û hiqûqa Rihayê, pêşxistina wê, ji bo cihê heq kiriye bigehê, emê muxalefeta xwe ya demokratîk bidomînin.

Bi taybetî ez dixwazim bînim ziman ku di medyaya civakî de li ser Rihayê têgehên tarî didin çêkirin, ev yek min aciz dike.

Gelê Rihayê tiştî ku ketiye ser bi zêdeyî pêkaniye, mixabin me îradeya gelê Riha ya ji bo ser sindoqan neparast.

Ez sipasiya hemû rihayiyên ku deng dane me û nedane me dikim. Bi taybetî ez ji yên ku deng dane me û me dengên wan neparastiye daxwaza helalbûnê dixwazim.

Ez ji bajarê Halîl’ur Rehman; ji tirkmenan, ereban, kurd, seyda, laîk, ciwan û jinên wan gelek nirxî fêr bûm.

Ala ayni ala rasi RUHA; Başım gozum ustune URFA; Ser serê min ser çavên min RIHA;  Sere çimo mi ser Halil’ur Rahman.”

"Dixwazin Rihayê bikin bikin bexçeyê aliyê pişt ê şerê Sûriyeyê"

Her wiha îro Baydemîr li Gola Masiyan, Xana Gumrikê geriya û paşê ji bo rojnamegeran axivî. Li kuçeyan gel eleqe nîşanî Baydemîr da.

Baydemîr li vir wisa got: "Me gotibû bila demokrasî bi ser bikeve. Me gotibû elekrtîk here dê hîle bikeve nav vî karî. Li Eyyubiye, Karakopru, Haliliye elekrît çû, 5 saet elekrît nehat. Ev tabloya hilbijartinê tabloyeke ku tarîtiyê çêkiriye. Li Rihayê tek sindoqek ku hîle lê nebûbe nemaye."

Baydemîr got ku piraniya 'tûtanak'an ji heman destî derketiye û wisa dom kir: "Piraniya çiwalan polîsan anîn lijneya hilbijartinê. Polîsan torbe digirtin ser milên xwe û dianîn Arenayê. Çi karê polîsan heye? Çima encamên hilbijartinan ew hildigirin tînin? Di rewşeke asan de divê berpirsê lijneya sindoqê vê yekê bike. Ji A'yê heta Z'yê dewletê bi hemû hêza xwe bû yek û li hemberî vê jî BDP'ê kir ku gel temsîl bike. Ev ne yekemîn hilbijartina dîroka Mezopotamya, Kurdistan, Tirkiye û Anadoliyê ye, dê nebe ya dawî jî. Raûnda duyem, sêyem a vî karî jî heye. Tixumek li axa Mezopotamya, li bajarê Xelîl û Rehman hate reşandin. Şerê Sûriyê dixwazin li ser were re bikin. Sibê ji Sûriyeyê yek du fuze li nava Rihayê, navçeyên wê bikevin nebêjin qey Esad ew avêtine. Ger fuzeyek li axa Rihayê bikeve ev dê ne ew fuze be ku ESad avêtiye. Dixwazin Rihayê bikin bexçeyê aliyê pişt ê şerê Sûriyeyê."