Diyarname
Bû 57 sal danêrê alfabeya Latînî ji bo kurdî Celadet Elî Bedirxan ji nava me bar kiriye. Em wî bibîr tînin.

Danêrê alfebaya latînî ji bo kurdî Mîr Celadet Elî Bedirxan di sala 1893’an de li Stenbolê hatiye dinê (Hin çavkanî radigihînin ku ew di 1897’an de hatiye dinê).

Celadet Elî Bedirxan wekî rewşenbîrekî kurd ciheke wî ya muhîm di nav kurdan de heye. Wî heta serhildana Agiriyê digel karê ziman, karê polîtîk jî meşand, lê piştî vê serhildanê wî giraniya xwe da ser ziman û çandê.

C. E. Bedirxan di 15’ê gulana 1932’yan de kovara Hawarê bi tîpên latînî derxist. Di nav HAWAR’ê de gelek kesên ıivîskar û rewşenbîrên kurd ên navdar nivîsîn.
Piştî HAWAR’ê, wî di 1’ê avrêla 1942’yan de kovarek bi navê Ronahî derxist. Ronahî ku zimanê nûçeyê lê serdest bû, di nav rojnamegeriya kurd de ciheke wî ya girîng heye.
Celadet Elî Bedirxan ku çîrok, helbest û cureyên din ên nivîsê bikar aniye û gelek pirtûkên wî hatine weşandin di 15’ê tîrmeha 1951’ê de li gundê Hêcanê ku nêzî Şama Sûrî ye jiyana xwe ji dest daye.

Di salvegera bîranîna Celadet Elî Bedirxan de em wekî xebatkar û nivîskarên Diyarnameyê wî bi hurmet bibîr tînin.