Stenbol

Nûnerên Tevgera Civaka Demokratîk (TEV-DEM) ku PYD jî têdeye û nûnerên PDK'ê li Stenbolê hatin cem hev. Di civînê re rewşa dawî ya Iraq, Sûriye, Rojva û Kurdistana Federal hat nirxandin. Li gor agahiyan her yekî ji aliyê xwe ve qala meseleyê kiriye. Hêvî ew e ku ev destpêk bi civînên din bidome.

Li ser navê Rojava Hevserokê Meclisa Gel a Rojava Ebdulselam Ehmed, Sekreterê Giştî yê Partiya Çep a Kurdên Sûiryê Mihemed Mûsa, Berdevkê Têkiliyê Derve ya TEV-DEM’ê Çinar Salih û endama Meclisa PYD’ê Beşîre Derwêş û li ser navê PDK’ê jî endamê polîtburoyê Kemal Kerkûkî, berdevkê PDK’ê Cafer Emîn û nûnerên PDK’ê yê Tirkiyê  Omer Mîranî tevlî bûn.

Piştî civînê Hevserokê Meclisa Gel a Rojava Ebdulselam Ehmed li ser rûpela xwe ya Facebookê wisa nivîsî: “Me bi nûnerên PDK’ê re civînek pêk anî û li ser rewşa dawî ya Iraq, Sûriye, Rojava û Başûrê Kurdistanê nirxandin kir. Ji bo ku di navbera her du aliyan de ji bo xebatan mekanîzmaya hevpar bê avakirin nêrîn hat destnîşankirin. Hêviya me ew e ku ev civîn ji bo berjewendiyên gelê kurd bibe destpêkek."

Kemal Kerkukî jî ji bo Rûdawê re û diyar kir ku PDK’ê daxwaz kiriye ku ji bo hemû partiyên Rojava bi hev re xebatê bimeşînin derfet bên afirandin. Kerkûkî got: “Mesele naskirin an jî nenaskirina kantonan nin e. mesele ev e ku hemû partiyên Rojava û alî bi hev re bixebitin. Hêviya me ew e ku di demeke kurt de ev rewş ava bibe.”