Diyaname
Nivîskarê rus ê xwedî Xelata Nobelê ya Wêjeyê Alexandre Soljenitsin jiyana xwe ji dest da.

Kurê nivîskar Stepan Soljenitsin da zanîn ku bavê wî roja yekşemê (3 gelawêj) saet 23.45'an de ji ber qeyrana dil jiyana xwe ji dest daye.

Ajansa interfaksê berênûçeyeke weşandibû û li gor çavkaniya wêjeyê yên Moskovayê gotibû ku Soljenitsin di encama êrîşekê de jiyana xwe ji dest daye.

Berdevkê Qesra Kremlînê jî daxuyaniyeke weşand û got; "Serokdewletê Rusyayê Dimitri Medvedev ji bo malbata Soljenitsin sersaxî xwestiye."

Serokomarê Fransayê Nicolas Sarkozy jî daxuyaniyeke weşand û got: "Soljenitsi bi helwesta xwe ya rikber, bi îdeal, jiyana xwe ya dirêj û tevgerên xwe fîgureke romanî ye."
Her wiha Sarkozy ji bo Soljenitsin ev gotin jî bikar anî. "Ew aîdê wêjeya panteonuna (lijneya xwedayan) ye."

Alekxandre Soljenitsin di 11'ê beranbara 1918'an de li Kislovodsk a Kafkasyayê hatiye dinê. Ew bi îdealên şoreşger beşdarî şoreşê bû û di heman demê de perwerdehiya xwe ya matematîkê domand.
Nivîskar Soljenitsyne, di dema Şerê Cîhanê yê Duyemîn de ji ber ku di eniya şer de nameyeke ji hevalê xwe re şand û Serokê Rusyayê Stalîn rexne kir ew di sala 1945'an de şandin sirgûnê û wî jiyana xwe heta 1953'yan li Goulafê derbas kir. Nivîskar di sala 1953'yan de serbest hat berdan û di sala 1962'yan de bi navê "Rojek Ivan Dinessovitch" romaneke nivîsand. Roman ku li dinyayê nav da ji bo kurdî jî hat wergerandin. Romana ku ji aliyê mebûsê DTP'ê Osman Ozçelîk ve hate wergerandin ji aliyê Weşanên Avestayê ve hate çapkirin.

Romana Soljenitsi ya navdar "Komegirava Goulaf" rastiya zindanên Sovyetê radixe ber çavan.

Soljenitsin di sala 1970'ê de xelata Nobelê ya Wêjeyê girtibû.

**

Nûçeyên bi vê re eleqedar:

- Ser xêrê: Meclis ji kurdî bêpar nema

- Pirtûkê bi kurdî çû meclisê lê neket pêşangehê