AMED

Hejmara kesên qezaya têngêra LPG ya li nêzî navçeya Licêya Amedê de jiyana xwe ji dest dan, derket 6 kesan.

Li ser rêya Licê û Çewlikê êvarê tangêreke LPG'ê qeza kiribû û pêre jî devê kaniyê LPG'ê şikiyabû. Ji vê derê gaz belayê der û dorê bû. Di vê demê de germa eksoza otobuseke ku ji wir derbas dibû tevî vê gazê bû û şewat derket. Di vê navberê de ew otobus û hin erebeyên din ku ji wir derbas bûn ketin bin bandora agirê ku derket holê.

Waliyê Amedê Mustafa Cahît Kiraç roja 22'yê mehê daxuyaniyeke da çapemeniyê û got ku kesek wefat kiriye û 64 kes jî birîndar in. Ji van birîndaran jî rewşa 14 kesan giran e. Îro ji wan kesên rewşa wan giran bû hinekan jiyana xwe ji dest da û hejmara kesên wefat kirin derket 6'an.

Ji birîndarên rakirin nexweşxaneyên cuda îro Ferman Erdem, Onder Ûbîç û Mehmet Sigirli yên li Zanîngeha Dîcleyê dihatin dermankirin, Şukru Yildirim ê li Mersînê dihat tedawîkirin û Alî Agirbaş ê li Stenbolê dihat tedawîkirin, jiyana xwe ji dest da.