.jpg)
salek
salek tije derew, salek tije rastî,
salek tije civînên bê encam,
salek tije berxwedan, tije serhişkî,salek tije bawerî, tije bi xwe bawerî.
Salek tije vekirin û girtina deriyan,
salek tije bêbextî,
salek tije çavnebarî,
salek tije stûxwarî,
salek tije penaberî,
salek tije xwîn,
salek tije xwêdan,
salek tije Nok, salek bêdiran,
saleke rûşiştî,
saleke xwekuştî,
saleke xapînok,
saleke gerok,
salek tije "bû, nebû"
saleke tije qehr,
saleke tije jehr,
salek tije şîn,
salek tije şahî,
saleke nerazayî,
saleke ku deşt kirin çiya,
saleke ku berfa hemû salan têde heliya,
saleke tije sal,
saleke ku kurtêlxwir bûn mazûban,
saleke ku mazûban bûn mêvan,
saleke ku xwedê bû du parçe,
salek ku hinek malbat bûn qurbana neteweyê, hineke din netew kirin qurbana xwe,
salek tije azadî,
salek tije dengê fîşekan,
salek tije niviskar,
salek tije çalakvan,
salek tije rojnameger,
saleke ku xayintî bû "nêrîn"
salek tije derew, saleke tije rastî..
salek tije sê tîp
sala Yekîtiyê,
sala Parastinê,
Sala Gel...
hemû derew û xap û êş bi vê salê re herin û nema bên,
hemû evîn, serkeftin û xweşî bi sala nuh re werin..
.jpg)
.jpg)
