Bajar jî xwe radestî xewê kir
Dengê dîkan jî nayê vê berbeyaniyê
Stêrika li pencereya min bê deng e wekî min
Şewleya şaneşîna şîn xemgîn e
Tarîtiya odeya min birîn e
Nikarim bibêjim, “were”
Nikarim bibêjim, “were em li ber pêlên newayekê berdin
dema dirinde.”
“Ma ji awirên te kulîlk dîsa dikarin zîl bidin?”
Pirsek e bê kes ev, tu guh nede min!
“Ma li zeviyên simbilên şil em dikarin zarok bin dîsa?”
Tu guh nede min a min xewnerojkek e lê!
“Ma pirpîrîka rengîn dikare xwe li çeqla darkula min deynê?”
“Ooo to!.. Pirs! Pirs!”, dibêjî tu
Wilo li min nemeyzîne..
Dengê te yê ku min ji biharekê hilçinî
Li giyana min nereşîne
Va ez çûm
Wekî ku qet nehatibim
Wekî ku te ez nedîtim
Nebihîstibim
Gelo tu baş î?
Dikarî bikenî?
Dikarî bigirî?
….
Dizanî?
Wê baran bibare kêliyeke din
Nizam ez ê çi bikim hingî!
Belkî bibe kûrkûra min
Belkî bibe oreorê min
Belkî!?..
.jpg)
.jpg)
