DiyarName.Com

“MUZE” YAN “MUZEXANE”

Dîrok: 15/04/2016

Di nivîskariya bi sêwirîn an jî honakî de peyv gelek muhîm in; ya ku taqet, reng û derfetê dide qelema nivîskêr peyv in. Bi taybetî jî ji alî wateyê ve rewşa peyvê gelek muhîm e. Mewlana gotiye wextê mêşek baskên xwe dihejîne erşa Rihman dihejîne. Ew derbirîna derheqê bipergalbûn, bandorlihevkirinê de bi bîra min hat ku mirov bêje, wate an jî rewşa peyvekê hikum li edebiyatekê dike, ji bo zimanekî ew qas muhîm e.

Gava min di nûçeyeke bi kurdî de peyva “muzexane” dît ew arîşe hate bîra min ku di zimanê me de em li bingeha peyvên pey re hatine afirandin, li wateya terman zêde nafikirin. “Muzexane” jî yek ji peyveke wisa ecêb û eletewş e!

Heke em bêjin muzexane ev tê wê mehnê ku bi navê “mûze” tiştek heye ku ew li ”xaneyekê” hatiye pêşandan. Muze bi xwe ew mekan e ku mayînde, objeyên kulturî, tarîxî … tê de têne pêşandan. Lewre peyva muze bes e, wextê em bêjin muzexane ji alî mehneyê ve rewşeke bêmehne dertê.

Hin Nivîsen Nivîskar

DIYARÊ PEYVAN, “HURCAHIL”

05 Berfanbar 2013

Xelekên xebata hêja Michael Chyet, yên di malpera Kulturname de hatin weşandin, bûn sebeb ez hewl bidim hin peyv û biwêjên ji devera Varto bidim hev. Bi vî awayî,...

FINDÊN NAYLONÎ*

10 Tîrmeh 2015

Çi di jiyana kurdan ya folklorîk de be çi jî di kodên tevgerên takekes de be têgehên wekî hest, xeyd, hêrs têne bîra me! Heke em li...

Bandora hilbjartinê li ser kurdî

12 Pûşper 2015

Hilbijartina 7’ê mehê bû sebeb em careke din têkiliya demokrasiyê û ziman bifikirin. Qewimîn û morala tê jiyîn desîseyek e ku demokrasî di heman...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.