Şerredevek
Şerredev, êk ji wan rengêt Torey (Edeb) bû yêt Sumerya gelek hejêdikir. Vêca hema çi Ezmanrreşî û Kirêtî hatibane ber Devî digotne êkudo. Herwekî divê Şerredev ya kurtkirî da xoya dibît.
Nivîserê êkê:
To yê bê Merês, bê Mejî, Mêşa Bayêmirnê (Dubeylet Elta`un 1), to nexandî û çi nezanekê Sumerî, Destêt te yêt xemsar, ew Destêt nezanin Qelemekî bi dirustî bigrin, ew bi kêr nivîsînê nahên, heta ew bi kêr pêdanenivîsîna Rênivîsekê (Îmla`i) jî nahên û diser hindê jî ra to xwe li Bazêt min dihavêjî û dibêjî to ji min çêtirî.
Nivîserê doyê:
Eve çi lewçeye, ya ji teve ez Nivîserekê wekî te nînim? Difna xwe bilind dikey. Heku to Nivîsînekê dinivîsî, ya bê Mifaye kes jî çi tênagehît. Ew Kaxezka to dinivîsî kes nizanît bixwînît. Heku to diçî da erdekî lêkvekey, Erd liber te têkdiçît û Bendik xwe di Destê te da nagirît, Sing ji Destê te dikevin. To çi cara tênagehî, to êkî ji desteka Nivîserêt bikêr ne hatî. Ka bila êk hebît bibêjîte min ku to bikêr tiştekî dihêy.
Nivîserê êkê:
Ez di Têkhelya da yê bikêrhatîme. Dema ez diçim tiştekî lêkvedikem (dabeş), ez dizanim wî tiştî lêkvekem, belê pa to ji tevê Nivîsera bêxêrtirî, hindî mirov bibêjît to hêj xensar û helheletirî. Ew cedwelê Lêkdanê (cedwel elzerb) yê to çêdikey tijî di navda şaşîne. Heku to tiştekî dipîvî to dirêjyê û firheyê dikeye êk (têkheldikey). To wekî Pirrbêjekêy, mirovekê ketî, Devê te yê çivêlyane, to yê Difin bilindî û di xwe da avay, hêj to diwêrî Devê xwe vekey û dibêjî ku to linav Şagirdêt nivîsînê wekî Mirarîyek (lo`ilo`i) êy.
Nivîserê doyê:
To di xwe ra dibînî bibêjî, ku ez baştirîn Şagirdê nivîsînê nînim? Ez yê hatîme xwedîkirin wekî Sumeryekî, ez kurrê Nivîserekî me, belê to cembazekê pîs û bikêrnehatî, dema to Kelpîçêt Teqnê jî çêdikey, to nizanî cebla wê hilîkey.
Têdîtin:
1 _ Dubeylet Elta`un, Nesaxîyeke dikevîte hinava û nîşanêt wê digel Destnivêjê derdikevin.
Wergêrran:.
Ebdulhemîdê Bamerrnî ji Pirrtwîka:
Die Frühzeit des Menschen
Die erste Städte
von Dora Jane Hamblin
und der Redaktion
der Time Life Bücher
Seite 105
(Dîmahî)
Nivîsên Ebdulhemîd Bamerrnî yên ku berê di Diyarnameyê de hatine weşandin:
- Bi Çîkê dibêjin û bi Maçîkê vedgêrrin
- Helbijartinên jêrya Kurdistanê
- Kî bi ser ket?
- Barak Obama
- Dengên demê zwî (2)
- Dilbera Min
- Hîvyadera, xwelya sera
- Dengên demê zwî (1)
- Dengên demê zwî
- Li Duhokê nexweşketin qedexeye!
- Çi renge Zaravekî li Kurdistana Iraqê fermî biken!? (2)
- Çi renge Zaravekî li Kurdistana Iraqê fermî biken!?
-
Têbiniya Diyarnameyê: Me dest nedaye zimanê nivîskêr û awayê nivîsandina wî ya bi zaravayê Behdînî.
.jpg)
.jpg)
