Diyarname

Van BB Spor di Koma 2'yemîn a Lîga 3'yemîn a Tirkiyeyê de dilîze. Tîmê lîg di rêza sêyemîn de temam kir û derbasî Playy-Offê bû. Di playy-offê de bû reqîmê tîma Karşiyakaya Îzmîrê û maça yekem 10'ê mehê hat lîstin. Maça yekemîn li Îzmîrê hat lîstin û bi 0-0'ê bi dawî bû. Maça duyem îro li Wanê bû û Wan BB bi 2-1 bi ser ket.

Di deqîqeya 27'an de Batuhan Er li ser navê Wanê gol avêt û tîm bi 1-0 derxist pêş. Nîveka yekemîn bi vî awayî bi dawî bû. Di deqîqeya 52'yan de Karşiyakayê bi Mustafa Degirmencî bersiv da û encam anî 1-1'ê. Û di deqîqeya 67'an de Umut Koray Oz encam diyar kir: 2-1. Bi vê encamê Van BB  derbasî fînalê bû.

Di fînalê de Van BB û Esenler Erokspor dê bi hev re bilîzin.

Di maçên din ên play-offê de Ergene Velimeşe spor û Nevşehir Belediye, Yeni Çorum spor û SerikBelediye Spor bûn reqîbên hev.

Maç wê rojên 22, 23, 24'ê vê mehê bêne lîstin. Yek maç dê bê lîstin, her sê tîmên bi ser bikevin dê derbasî Lîga 2'yemîn bibin, yên têk herin sala bê dîsa dê Lîga 3'yemîn de bilîzin. TFF (Federasyona Fûtbolê ya Tirkiyeyê) hê eşkere nekiriye kîjan tîm ji van rojan dê kîjan rojê bilîze û li ku bilîze.