Diyarname

Îstanbul Modern ku ji ber vîrusa koronayê salona wê girtiye bi ser online ra fîlman bê pere pêşkêş dike.

Îstanbul Modern bi navê "Açik Kapi" (Deriyê Vekirî) vê mehê 4 fîlman pêşkêş dike. Fîlmê "After the Storm" (derhêner Hirokazu Kore-Eda) di navbera 4-9'ê mehê, "Home" (derhêner Ursula Meier) di navbera 11-16'ê de mehê hat nîşandayîn û niha"Sêv" ê Samira Maxmalbaf û piştî 25'ê mehê jî dê "Le Meraviglie" ê  Alice Rohrwacher bê nîşandayîn.

SÊV / ELMA / SİB), 1998

Derhênera îranî Samîra Maxmalbaf di sala 1998'an de fîlmê xwe "Sib" (Sêv) kişand. Dema fîlm hat kişandin Mexmelbaf hê 18 salî bû û yekem fîlmê wê yê metrajdirê bû. Fîlmî hem bi mijar û kişandina xwe hem bi temenê derhênereke ciwan li qada navneteweyî bal kişand ser xwe

"Sêv" di Festîvala Locarno’da Xelata Mansiyonê ya FIPRESCI, li Festîvala Cannesê di beşa "Hin Nêrîn" de hat nîşandayîn û Xelata Kameraya Zêrîn girt.

Fîlm bingeha xwe çîrokeke rastîn ku li başûrê Tehranê derbas bûye digire. Du keçikên xwişkên hev in ku bavê wan destûr nedaye 12 salan ji mal derên nîşan dide. Piştî ku cîran gilî dikin bûyer derdikeve holê. 

Ji bo yên bixwazin heta 23'yê vê mehê ji ser malpera "İstanbul Modern" re dikarin bê pere lê temaşe bikin. (Fîlm tenê ji bo yên li Tirkiyeyê dijîn vekiriye, yên derveyî Tirkiyeyê nikarin temaşe bikin)

Kunye:

Nav: SIB / SÊV

Derhêner: Samîra Mexmelbaf

Lîstikvan: Massoumeh Naderi, Zahra Naderi, Ghorban Ali Naderi

Sala Kişandinê û male: 1998, 86 deqe
Lînk
- SIB - İstanbul Modern

"Mûcîze"

Fîlmê derhêner Alice Rohrwacher ê bi navê "LE MERAVIGLIE" (Mucîze) sala 2014'an de hatiye kişandin û li Festîvaal Cannesê Xelata Taybet a Juriyê bi dest xistiye.

Derhêner Rohrwacher di vî fîlmê xwe yê duyemîn ê metrajdirêj de berê xwe dide çîroka malbateke li gundekî dûr bi karê mêşvanî re eleqedar e. Bi taybetî jî li ser keça wan a 12 salî Gelsomina. Bav niyatbaş e, ji bo debara malbatê wekî mîşan dixebite, keça wî Gelsomina jî alîkariya wî dike lê roje ji bo pêşbaziya televîzyonekê navê malbatê dinivîse. Yên ku di pêşbaziyê de bi ser bikevin dê kanalê televîzyonê wan bi rêwîtiya keştiyeke luks bibe gerê. Ev hewldana keçikê dê hemû jiyana malbatê serûbino bike. Di fîlm de lîstikvana navdar a îtalî Monica Belluci jî heye.

Yên bixwazin piştî 25'ê mehê heta 30'yê mehê dikarin ji ser malpera Îstanbul Modern re li fîlm temaşe bikin.

Kunye: 

Nav: "LE MERAVIGLIE" (Mucîze)

Senaryo-Derhêner: Alice Rohrwacher 

Lîstikan: Monica Belluci, Alba Rohrwacher, Margarete Tiesel

Sala kişandinê û mawe: 2014, 111 deqe