Diyarname

Li Kazakistanê hefteya borî çalakî li dar ketin, di encamê de hikumetê îstîfa kir lê dûre hêzên ewlehiyê berê xwe da çalakgeran û ew girtin bin çavan. Hat ragihandin ku îro hejmara kesên hatine binçavkirin gihîştiye 12 hezar kesî.

Li bajarê mezin ê Kazakistanê li Almatiyê bi sedema "sazkirina bêhizûriya giştî û êrîşên li hemberî hêzên ewlehiyê" bi ser 300'î re lêpirsîn hatin dest pê kirin.

Ji serê salê ve li Kazakistanê li hemberî zema li ser petrol û gaza xwezayî çalakî hatin li dar xistin. Zem hatin betalkirin, bi ser re rêberê berê Nursultan Nazarbayev ji Serokatiya Konseya Ewlehiya Neteweyî hat qewirandin. Nazarbayev ev 30 sal bûn ligel Serokdewletî, ev rêveberî jî di bin destê wî de bû ku welat ji wir tê bi rê ve birin.

Piştî van yekan û piştî Rêxistina Peymana Ewlehiya Kolektîf  leşker di bin navê "Hêzên Aştiyê" de şandin welat, bûyer sekinîn. Û lêpirsînan dest pê kir. Heta niha bi sedan lêpirsîn hatin vekirin û hejmara kesên di vê çarçoveyê de hatine binçavkirin gihîşt 12 hezar kesî.

***

Nûçeyên eleqedar:

-  Welatên Sovyeta berê leşkeran dişînin Kazakistanê

- Ji ber protestoyên zemê hikumetê îstîfa kir