Diyarname
Festîvala Fîlman a Stenbolê ku her sal Xelatên Rûmetê dide çend kesan îsal jî kesên ku dê bêne rûmetkirin diyar kir.

31’emîn Festîvala Fîlman a Stenbolê îsal Xelatên Rûmetê dide çar kesan. Derhêner Ali Ozgenturk, lîstikvan Ayşen Gruda û Halit Akçetepe û yekemîn rexnegira sînemayê ya jin a Tirkiyeyê Sevin Okyay dê Xelatên Rûmetê ji festîvalê bigirin.
Festîvala Fîlman a Navneteweyî ya Stenbolê îsal 31’emîn car deriyên xwe vedike. Îsal festîval dê di navbera 31’ê adarê û 15’ê avrêlê de li dar be. Kesên hêjayî Xelatên Rûmetê hatine dîtin jî di 30’ê adarê şeva destpêkirina festîvalê de bi merasimekê dê xelatên xwe bigirin.
Hin agahiyên li ser kesên dê bên xelatkirin:
Derhêner Ali Ozgenterk di salên 1960’an de bi belgefîlman û bi şanoya kuçeyan ku ava kiriye dest bi jiyana hunerî kir. Wî ji bo Yilmaz Guney û Zeki Okten asîstanî kir, di sala 1979’an de yekemîn fîlmê xwe kişand. Wî bi fîlmên “Hazal”, “At”, “Bekçi”, “Su da Yanar”, “Çiplak”, “Mektup”, “Balaylaka”, “Kalbin Zamanı” kişandin û herî dawî jî di sala 2011’an de fîlmê “Görünmeyen” kişand.

Lîstikvan Ayşen Gruda di sala 1975’an de dest bi karê hunerê kir, di fîlmên “Hababam Sinifei” de bi Kemal Sunal û Şener Şen re lîst. Gruda herî dawî di sala 2010’an de di fîlmê “Kagit” de lîst û li Festîvala Fîlman a Porteqala Zêrîn de xelat girt.

Lîstikvan Halit Akçatepe di sala 1943’yan de, dema hê 5 salî bû ket nav cîhana sînemayê. Di salên 1963’yan de fîlmên “Yasak”, “Gundogarken” û Semaya Baktim Seni Gordum” de lîst, di fîlmên “Hababam Sinifi” de bi karakterê bi navê “Guduk Necmi” navdar bû. Akçatepe di van demên dawî de di rêzefîlman de dilîze.

Rexnegira sînemayê Sevin Okyay jî wekî yekemîn rexnegira jin a Tirkiyeyê tê nasîn û di salên destpêkê yên Festîvala Fîlman a Stenbolê ve bi awayekî di nav vê festîvalê de cih digire. Okyay hem nivîskar, werger e û sazkara bernameya radyoyê ye. Okyay digel rexnegiriya sînemayê, rexnegiriya caz-polîsiye û sporê jî dike. Okyay ku bi wergera ku ji bo Festîvalê heta niha kiriye de gelek keda wê ketiye nav festîvalê. “Harry Potter” jî di nav de heta niha Okyay bi dehan pirtûk wergerandine tirkî.

***

Nûçeya eleqedar:

- Serokên Juriyê Ceylan û Mungan in