Stenbol
Li Zanîngeha Galatasaray a li Stenbolê dê konferanseke li dar biketa. Rêveberiya Zanîngehê got ku Sehabat Tuncel di nav axaftvanan de be dê salonê nedin organîzekaran.

Navenda Lêkolîn û Bicihanîna Çapemeniyê ya Zanîngeha Galatasarayê (MEDÎAR), Mor Çati û Koperatîfa Jinan Fîlmmorê dê bi hev re Konferansa Sazkirina Wekheviya Cinsiyetê li dar bixista. Konferans dê di navbera 5-6'ê kewçêrê de li salona Zanîngeha Galatasaray li dar bikeve, lê rêveberiya zanîngehê got ku ger Mebûsa BDP'ê Sebahat Tuncel di nav axaftvanan de be ew dê salonê ji bo wan terxan nekin. Sedem jî cezaya ku dadgehê li Tuncel birî nîşan dan. Amadekarên konferansê daxwaza rêveberiya zanîngehê qebûl nekir, zanîngehê jî destûra ji bo bikaranîna salonê betal kir.

Konferansa ku Balyozxaneya Swêdê piştgirî dide dê li saloneke din li dar bikeve lê niha amadekarên konferansê li salonê digerin.

Dadgehê pêr 8 sal û 9 meh cezayê hepsê li mebûsa BDP'ê Tuncel birî* lê doz hê didome, ji ber ku parêzerên Tuncel dozê dê bibin dadgeha bilind. Li dadgeha bilind ceza bê erêkirin wê çaxê dibe pirsgirêk derê lê niha di dema ku cezayê Tuncel hê nehatiye erêkirin û Tuncel hê mebûse de gaveke wisa a zanîngehê wekî nijadperestî hate dîtin.

Diyarname