Diyarname

Di Lîga Şampiyonan a Ewropayê de ji bo nîvfînalê du maçên çarîk fînalê hatin lîstin. Tîma Chelsea di maça yekemîn de li Fransayê li hemberî Paris St German (PSG) 3-1 têk çûbû lê li mala xwe muciyek pêk anî û bi 2-0 bi ser ket. Golên Chelsea di deqîqeya 32'yan de BA, di deqîqeya 87'an de Andre Schurrle avêt: Chelsea bi vê encamê derbasî nîvfînalê bû.

Di maça din de tîma Spanyayê Real Madrid û tîma Almanyayê Borisya Dortmund haten hemberî hev. Maça yekemîn li Spanyayê bi 3-0 bi serketina Real Madrid bi dawî bûbû. Dortmund li mala xwe zor li Real kir lê fêde neda. Di nîveka yekemîn a maçê de Dortmund bi golên Reus bi 2-0 bi ser ket, lê di nîveka duyemîn de nekarî golek din biavêje û bi vê encamê xatir ji Lîga Şampiyonan xwest Real Madrid bi zorê be jî derbasî nîvfînalê bû.

Du maçên din jî hene

Her du maçên din ên çarîk fînalê êvara 9'ê mehê saet 21.45'an de dê bêne lîstin. Atletico Madrid Barselonayê, Bayer Munih MU'yê dike mêvanê xwe. Di maçên yekemîn ên van tîman de 1-1 encam derketibû holê. Ji van çar tîman didu dê derkevin nîvfînalê.