Diyarname

Rojnameger Îrfan Aktan di Artigerçekê de ligel siyasetmedar Selahattin Demirtaş hevpeyvînek kir. Li ser dema dawî gelek pirs û bersiv hene. Hin bersivên Demirtaş me wergerandin. Kerem bikin:

- Bi mehan berî hilbijartinê min ji Navenda Giştî re got encam çi dibe bila bibe ezê bi awayekî çalak siyasetê nekim. Ez hê li ser gotina xwe me.

REXNEYÊN LI KÊMASIYAN

- Rexneyên min ne li paradîgmaya HDP'ê ye, li tiştên şaş têne kirin in. Tiştên divê em dest jê berdin kêmasiyên me ne, ne HDP ye.

MESELEYA ÎTÎFAQAN

Fikra îtifaqê (qala îtîfaqa Ked û Azadiyê dike) jî stratejiya wê jî bi qîmet e, ligel ku gelek girîng e jî di nav pêvajoyê de aliyan serketin nîşan neda, bû sedema zirarên mezin. Di vî warî de divê her kes xwerexneyiya baş bide û ji tiştên neyînî dersê derxe. Li aliyê din bi têra xwe giringî nedan îtîfaqa ligel partiyên kurd jî û li wir jî encamek baş nehat bi dest xistin. Îtîfaqa neteweyî ya kurd di asta stratejîk de ye û yek ji têkiliyên bingehîn a HDP'ê ye. Kêmasiyên di vî warî de jî divê miheqeq bêne çareserkirin.

KÊMASIYA LÎSTEYÊ

- Di sazkirina lîsteyên berendamên mebûsiyê de kêmasî çêbûn, hêvî û daxwazên gel negirtin ber çavan.

'BERENDAMTIYA MIN RED KIRIN'

- Min ji Navenda Giştî re got ez amade me ji bo Serokomarî bibim berendam û bi vê hilbijartin dê bimîne dora diduyan; wê çaxê bi gavên demokratîk ezê hê zêde kedê bidim. Her wiha berendamtiya min dê dengên partiya me jî zêde bike. Qedexeya min a siyasî tune bû, YSK berendamtiya min red bike jî, berendamek din dûre derkeve alîgirên me dê zêdetir xwedî lê derên. Lê bêyî sedem nîşan bidin pêşniyara min red kirin. Ez hê jî nizanim çima red kirin. Paşê erdhej çêbû, berê ve ber bi dernexistina berendam ve çûn. Navenda Gişti û yên di nav îtifaqê de bi hev re ev biryar dan. Berî vê agahî dan min, helbet me yê piştgiriya berendamê xwe bikira.

**

Nûçeya Eleqedar:

- Demirtaş: Vê kêliyê ez dest ji polîtîkayê ber didim