Diyarname

Ji duh de pirsa dê HDP û Yeşîl Sol roja 28'ê gulanê çi bikin dihat nîqaş kirin.

Îro Hevserokên HDP'ê Pervin Buldan û Mithat Sandan, Hevserokên Yeşîl Sol Partî İbrahim Akin û Çigdem Kiliçgun Uçar ji bo eşkerekirina dengên xwe derketin pêşberî çapemeniyê.

Pêşî Buldan axivî û biryara wan eşkere kir. Buldan got, "Emê herin cem sindoqan û bi hev re rejima yek kesî biguherînin."

Va ne çend gotinên ji daxuyaniyê:

- 28'ê mehê wekî referandûmek e; ji bo kesên dixwazin guherînê bînin û yên ku rejima yek kesî diparêzin.

- Hedefe rêya ya me ya sêyemîn ew e ku em civak û gel bigihînin daxwazên gerdûnî. Tiştê ku em jê dest bernadin daxwaz û pêdiviya gelên mezlûm e.

- Bi israr em dibêjin, yên ku bi kayûman dest datînin ser vîna kurdan, bi vî awayî dest datînin ser maf û azadiya gelê Tirkiyeyê jî.

- Fêdeya civakê di neçareseriya pirsgirêka kurd de tune ye. Ev bêçareserî xira nebe û çareserî neyê dê komar negihîje demokrasiyê. 

- Di sedsala duyemîn a komarê de ji bo jiyaneke wekhev û bi hev re emê têkoşîna xwe bidomînin.

- Em vîna gel bi ser hemû vînan re digirin. Ji bo pêşerojeke wekhev emê têkoşîna xwe bidomînin.

- Emê bersivê bidin yên ku bi kayûman îpotekê datînin ser vîna kurdan.

- Koçberan dikin berjewendeyiên xwe yên siyasî. Ev tiştek şaş e. Yên ku di polîtîkayên şer de israr dikin sûcdar in; sûc sûcê wan e, ne sûcê penaberan e. 

- Em tenê kefîlê wekhevî, edalet, heq û hiqûq û têkoşîna azadiyê ne.

- Ev rejima eletewş sedema pirsgirêkan e. Mesele ev e, piştî 28'ê mehê jî ev rejima eletewş dê bidome yan na. Mesele ev e.

- Erdogan bo me tu demê ne hilbijêrkek e, tekane hilbijêrk guhartina wî û desthilatdariya wî ye. Hêvî û bendemayînên gelê Tirkiyeyê ya azadî, demokrasî û wekheviyê ye. Em hêviya guhartinê mezintir dikin.

- Emê bê kêmasî herin cem sindoqê û emê rejima yek kesî biguherînin.

- Emê bi israr têkoşîna xwe bidomînin, emê dest jê bernedin û em dibêjin miheqeq û miheqeq emê bi ser bikevin.