MÊRDÎN

DEM Partiyê ragihand ku dê ji bo Şaredariya Bajarê Mezin a Mêrdînê Ahmet Turk û Devrîm Demîr wekî berendam nîşan bidin. 

Li ser mijarê li eywaneke dawetê ya li bajar daxuyanî hate dayîn. Hevserokê Giştî yê Partiya Herêmên Demokratîk (DBP) Keskîn Bayindir daxuyanî da.

Bayindir, diyar kir ku li nêzî 90 navendan bi tevlibûna deh hezaran kesî pêşhilbijartin li dar xistine û ev yek wekî şahiya demokrasiyê nirxand. Bayindir wiha got: “Di pêşhilbijartina 13’ê rêbendana ya li Mêrdînê de tevlibûneke xurt çêbû. Di tura ewil a hilbijartinê de Ahmet Turk û Devrîm Demîr bi piraniya dengan wekî namzet hatin hilbijartin. Her wiha hevalê me birêz Azad Yildirim ku di hilbijartinê de bûbû duyemîn, li ser banga delege û gel, bi berpirsyartiyeke mezin bernamzetiya xwe vekişand. Em spasiya Yildirim, Gulîzar Îpek û hemû bernamzetên din dikin. Li gorî vê yekê Ahmet Turk û Devrîm Demîr dê di hilbiajartinên rêveberiyên herêmî yên sala 2024’an de bibin namzetên me yên Şaredariya Bajarê Mezin a Mêrdînê. Em ê ezmûna xwe ya hilbijartinê di hilbijartinên 31’ê adarê de bi serkeftinê tacîdar bikin.” 

PEYAMÊN NAMZETAN

Ji namzetan Devrîm Demîr jî di axaftina xwe de spasiya gel kir û got ku dê di hilbijartinê de bi ser kevin. 

Ahmet Turk jî di axaftina xwe de diyar kir ku hilbijartinên pêş ji bo pêşeroja gelê kurd girîng in û ev tişt anî ziman: “Dê gelek kurd biryara xwe bide bê ka dê xwedî li pêşeroja xwe derkeve yan na. Berpirsyartiya hevalên me yên li qadan û zindanan di greva birçîbûnê de li ser milê me heye. Berpirsyariya gelê me li ser milê me ye. Heke li dijî hewldana tunekirina gelê kurd em gavekî xurt neavêjin, heke em yekîtiya xwe ava nekin dê bi zilmê re rû bi rû bimînin. Ez spasiya bernamzetê me Azad Yildirim dikim ku bûbû duyemîn û ji hilbijartinê ferexat kir. Em ê teqez bi ser kevin.”