Diyarname
Li gor saeta dawî ku sedî 98.5 sindoq vebûne li Agirî BDP careke din bi ser ket. Vaye encam:
Li Agirî BDP bi berendamên xwe Sirri Sakik û Mukaddes Kubilay ket hilbijartinê. Di hilbijartina 30'ê adarê de bi ser ket, lê AKP'ê 14 caran îtîraz kir. BDP'ê xwest hilbijartin ji nû ve çêbibe. Lijneya Bilind a Hilbijartinê ev daxwaz qebûl kir û biryar da ku di 1'ê pûşperê de hilbijartin nû bibe. Agirî îro careke din çûn cem sindoqan û dengên xwe bikar anîn. Li gor encamên ne fermî, li gor saeta 21.00'an BDP bi sedî 51.1 li pêş e. AKP di sedî 45.4 de maye. SP'ê 1.3 deng girtin.
Li gor dengan jî BDP'ê 22.972 deng girtin. AKP'ê 20.393 deng girtin. Di 30'yê adarê de BDP'ê 20.551 deng girtibûn, li dor 2.500 dengên xwe zêde kirin. AKP'ê jî di hilbijartina 30'ê adarê de 20.35 girtibû, niha li gor dixuye hema hema dengên xwe dîsa girtine.
Sakik: Serketina Agirî ye, serketina aştiyê ye.
Hevserokê Şaredariya Agirî Sirri Sakki li ser encamên îro agahî da û wisa got: "Piraniya sindoqan vebûn. Bi 5 hezar dengan em li pêş in. Sindoqên hê venebûne dê nikaribin vê encamê biguherînin. Serketina Agirî ye, serketina aştiyê ye."
Nûçeya eleqedar:
- Piştî jimartina dengan li Norşînê dîsa elektrîk hatin birîn!
.jpg)
