Mehmûd Nêşite

“TUYAP” nê çar serrîyê ke aşma gulane de Dîyarbekir de “Fuara Kitaban” akeno. Kitabroşê pîlî yê Tirkîya û çend Weşanxaneyê Kurdan zî beşdarê na fuare benê.

Emsar reyna roja 14.05.2013'inan aşma gulanî de Dîyarbekir de Fuara Kitaban a bîye û 19'ê aşme de hamî girotişî. Sey fuarê her serrî de na serre de zî weşanxaneyî, kitabanê xo stand kerdî. Reyna sey her serre kiştêk de rotîşê kitaban kiştêko bîn de zî panel û konferansî virazîyê. Nuştoxî zî standan de kitabê xo îmza kerdî.

La emser gorê serrê bînan hûmara weşanxaneyan kêmî bî. Emser çira bi ma nêzanê la çend weşanxaneyî beşdarê fuare nêbîbî.

Tirkîya ra weşanxaneyê tirkan ê meşûrî û hema-hema heme weşanxaneyê kurdan beşdarê fuara emserîne bibî. Hem yê tirkan ra hem zî yê kurdan ra weşanxaneyê ke pîlî bî goreyê zerrîya xo kar kerdî. Tirkan ra standê weşanxaneyê Can, Tîmaş û yê Belgeyî qelabalix bi. Kurdan ra zî standê weşanxaneya Aram, Avesta û Weqfa Îsmaîl Beşîkçîyî qelabalix bî.

Emser çîyêko bol balkêş beşdarbîyayîşê Îsmaîl Beşîkçîyî bi. Mamosta Îsmaîl Beşîkçî nê rojê peyînan de bikêfweşî Kurdîstanî de gêreno. Hewlêr, Çewlîg û Dîyarbekir. Hem wextê kitab îmzakerdişê ey de hem zî panêlê ey de hema-hema vajên însanî pêser de bî.

Reyna çîyêko fuara emserîne de balkêş bî, emser Weşanxaneya APECî Swêd ra amebi û stand akerdbî. Ê kitabanê xo yê erjîyayî pêşkêşê domananê kurdan kerdî. Nê kitabê Apecî pêro zî yan zazakî yan zî kurmanckî bî. Ameyîşê nê kitaban de gumruk de tayê problemî virazîyabî, coka kitabî erey resay Dîyarbekirî. Eke wînî nêbîne no weşanxane do zaf kar bikerdêne.

La lazimo ke merdim nê fuaran ser o yew cigêrayîşêko xorin virazo. Welatê kurdan de cayê kitaban çî yo çi nîyo bêro zanayîş.

Bi heme probleman ma emser zî yew fuare vîyarna. Aqubet serrêko bîn sere de bo.  

***

Nûçeyên eleqedar:

- Li TUYAP’a Amedê ji bo Îsmaîl Beşîkçî eleqeya mezin

- Bala 'Ciwanan' li ser dîroka kurdan e

- Kovarên kurdan stand vekirin

- Nivîskarên kurd pirtûkên xwe îmze dikin

- Nivîskarên kurd li Amedê wê biaxivin

- 10 weşanxaneyên kurd û saziyên sivîl li Fûara Amedê ne

- Weşanên Avesta bi çalakiyan li Fûara Amedê ye

- Ahmed Arîf vê carê bi lîstikek şanoyê li Amedê ye