Diyarname
Li gor agahiya Navenda Qertên Barkeyan (NQB) di vê 14'ê Reşemiyê Roja Evîndaran de bi qertên krediyê yên bankeyê îsal 420.3 mîlyon YTL tişt hatine kirîn. Gelo kî kar kir?

Roja Evîndaran wisa bûye ku ji roja evîndaran derketiye û bûye roja tişt kirînê. Li gor NQB'ê di 13-14'ê vê mehê de bi giştî 420 mîlyon û 300 hezar YTL bi qertên krediyê tişt hatine kirîn û ev ast ji par bilindtir e, yanê îsal tişt kirîn ji par zêdetir bûye.
Par 2 mîlyon û 878 hezar û 168 caran qert hatine bikaranîn, îsal sedî 9 ev bikaranîn zêde bûye û bi giştî 3 mîlyon û 136 hezar û 69 caran qert hatine bikaranîn.
Li gor 2007'an di warê cîroyê de jî sedî 25 zêdebûne pêk hatiye.
Di nav ew qas kirînê de zêr û zîvfiroşan herî zêde kar kir. Zêr û zêvfiroş bi cîroya 27 milyon û 537 hezar û 835 YTL'yî di rêza yekem, restoran di rêza duyem û kincfiroş jî di rêza sêyem de cih girtin.