WAN (DÎHA)

Hevserokê Giştî yê HDP'ê Selahattîn Demîrtaş di 1'emîn Kongreya HDP'ê ya Wanê de axivî û diyar kir ku ji maseya aliyek qels û yêkê zalim be aştî dernakeve û wiha got: "Dîroka bikaranîna ampulê derbas bû. Êdî dem dema HDP'ê ya jiyana nû ye."

Rêxistin HDP'ê ya Wanê 1'emîn Kongreya Xwe ya Asayî li Navenda Fuar û Kongreyê bi tevlîbûna deh hezaran kesan li dar xist. Hevserokê Giştî yê HDP'ê Selahattîn Demîrtaş, parlementerên HDP'ê yên herêmê, endamên MYK û PM'ê, KCD, heyat Rojava, Hevserokê Giştî yê KESK'ê Lamî Ozgun, Dayîkên Aştiyê, DOKH, MEYA-DER, TUYAD-DER'ê, hevşaredarên DBP'î yên heremê û gelek kesên din tevlî kongreyê bûn.

Şoreşgerên ji Leyla Qasim heya Hrant Dînk nehatin jibîrkirin

Di salona kongreyê de pankratên "Aştî ji şer hêj bêtir zor e, em ji şer netirsiyan em ji aştiyê jî natirin, ji Ocalan azadî", "Ji Roboskiyê heya Reyhanliyê heke em ji bîr bikin dilê me hişk bibe" û "Komara Demokratîk, welatê hevpar, neteweya demokratîk" hatin daliqandin. Dîsa li salonê Posterên Rêberê PKK'ê Abdullah Ocalan, Sakîne Cansiz, Fîdan Dogan, Leyla Şaylemez, Seyîd Riza, Şêx Saîd, Qazî Muhammed, Leyla Qasim, Şîrîn Elemhulî, Hrant Dînk, Ehmedê Xanî, Kader Ortakaya, şervanên YPG, YPJ û MLKP'ê yên li Rojava jiyana xwe ji dest dan, pêşengên PKK'ê, alên PKK û KCK'ê hatin daliqandin. Di kongreyê de dirûşmeyên “Bijî Serok Apo”, “Bijî berxwedana Kobanê”, “Bijî YPG/YPJ”, “Bê Serok jiyan nabe” û “Her der Kobanê her der berxwedan" hatin berzkirin. Kongreyê bi rêzgirtinê dest pê kir. Pişt re hunermendên NÇM'ê yên Wanê, hunermend Norşîn, Hozan Comert, Pinar Aydinlar û Ferhat Tunç derketin ser dikê û girse çoş xistin.

Piştî hilbijartina diwanê Hevserokê Rêxistina HDP'ê yê Wanê Harun Okay û Hevserokê Giştî yê KESK'ê Lamî Ozgen axaftinên kin kirin. Piştî axaftina Okay û Ozen peyma Hevserokên PYD'ê Salîh Muslum û Asya Abdullah hatin xwendin.

‘Kelecana gelan HDP ye'

Hevserokê Giştî yê HDP'ê Selahattîn Demîrtaş jî hemû kes silav kir û dest bi axaftina xwe kir. Demîrtaş diyar kir ku li Wanê yêkemîn kongreya xwe li dar dixin û her kongre hinceta nûbûn, mezinbûn û bihêzbûnê ye. Demîrtaş anî ziman ku heya îro di xebatên siyasî de gelek astên girîng derbaskirin û bi berdêlên mezin, fidakarî, hamleyên bêhempa yên siyasî têkoşîn meşandin û wiha got: "Partiyên me bi piştgiriya we ji bo layîkî we bibin xebatê mezin meşandin. Niha em hatine astekî wisa lûtkeya têkoşîna siyasî ye. Hêvî û kelecana gelên Tirkiye û Kurdistanê HDP ye."

‘Em ê mirov û nasnameya tê eciqandin di pêş de bigirin’

Demîrtaş bilêv kir li Tirkiyeyê li hemberî tekparêziya AKP’ê tenê hêviyek heye û hemû yên li welat tên eciqandin li HDP’ê dinêrin. Demîrtaş wiha got: “Em bûne hêviya hemû welatiyên Tirkiyeyê. We ev hêvî an^ni vê rojê. Yên ku ev hêvî ava kirin şehîdên me ne. Em pariteyke kul i ser ked û nirxan mezin bûne ne. Niha hemû Tirkiye cudatiya me dibîne. Ji bo ku em bibin partiya hemû bindestan li pêş me fersendeke mezin heye, navê W êli ser e HDP partiya hevpar a hemû gelan e. Heta ku mafên hemû kesan teslîmî wan bê kirin em ê vê têkoşînê bi awayeke hevpar, îdiaya xwe ji bo rêveberina Tirkiyeyê ava kir. Di nava me de hemû bawerî hene. Em ê mirov û nasnameya tê eciqandin di pêş de bigirin.”

Demîrtaş bilêv kir ku bi kongreya tê lidarxistin divê Wan pengavekî pêk bîne û wiha got: “Me deriyê kê neda be, kî xeyîdiye, dûr disekine, HDP’ê fêm nekiribe em ê ne carekî deh caran biçin wir. Heta em xwe bidin fêm kirin dilên wan xweş bikin, ji wan re bibêjin HDP partiya wan e em ê biçin. Êdî em ê vê partiyê bibin îxtidarê. Di mijara hişyarkirina îxtidarê de muxalefeta herî tund û bi rûmet em pêk anî. Lêê dî dema avakirina îxtidara gelan hatiye. Em di îdiaya bihevre îxtidar bûnê de ne. Dema em bên îxtidarê tenê kurd dê nebin îtidar. Hemû kes dê di nava vê partiyê de bin. Em ê hemû kesan bibin îxtidarê. Cudatiya me ya bingehîn a ji durûtiya AKP’ê ev be. Ji bo ku em dewletê yên desteser kirine bigirin û bidin gel em dikevin hilbijartinan.”

‘Dewlet di destên zilaman de ye cihê jinan nîne’

Demîrtaş da zanîn ku HDP tenê partiye zayendekî nîne û ew ê tu caran feraseta ku jinan wekî mirov nahesibînin naxwazin li ser vê axê bibînin. Demîrtaş got ku ew ê bi jinan re jiyana hevpar înşa bikin û wiha dirêjî da axaftina xwe: “Dewlet di destên zilaman de ye, cihê jinan nîne. Wezîrê Tenduristiyê dibêje ku tekane kariyera jinan dayikbûne. Bêguman dayîktî taybetiyeke jinan e. Jin di vî welatê de dibe wezîr jî, serokwezîr jî dikare bibe her tişt. Ji te baştir dê bibe Wezîrê Tenduristiyê. Ji bo ku feraseta dibêje tenê jin l imalê zarokan bîne û binêre ji holê bê rakirin divê HDP mezin bibe. Zilamên ku jinan kolê dibînin xwe nikarin ji koletiyê rizgar bikin. Dema ku em dibêjin, em partiya hemû nasnameyan in em di heman demê dibêjin em partiya jinan in jî ya zilaman in jî.”

Demîrtaş got ku HDP partiya yên ku xwêdana xwe, keda xwe debara dikin yên ku makîneyên wan ên hejmartina pereyan nîne ye. Demîrtaş wiha pêde çû: “Xizanî qedera me nîne. Birçûbûn qedera me nîn e. Di axa ku dewlemendiyên ser erdê û bin erdê tijî ye de em ê xizan nemînin. Van axan bi sedan salan e nikarin di navbera xwe de parve bikin. Sînoran datînin û şer dikin. Dewlemendiyên Tirkiyeyê têra hemû kesan dike. Heke belavkirineke adilane bê kirin li vî welatî xizan namîne. BEriya her tiştî ji bo ku gel jî tevli rêveberiyê bibe em ê mekanîzmayên xweser ava bikin. Ji bo hemû cihan rêveberiya xweser, rizgariya demokratîk e. Navê vê projeya nûbûnê ye.”

Demîrtaş got ku AKP’ê sîstema xwe ava kiriye û hemû welat wekî malê xwe dibîne û wiha berdewam kir: “Partiyeke ku nîzama yek mirovî xira bike lazim e. HDP tekane partiya ku nîzema yek mirovî xira bike, ampulê xira bike ye. Dema em bên îxtidarê em ê hesap biripsin û ji bêvilê wan re bînin.” Demîrtaş axiftina xwe bi nirxandina “Aqil nedin me werin deng bidin. Werin hûn jî di nava vê têkoşînê de cih bigirin. Em çiqas bi hêz bikin aştî dê ewqas zû bê. Dema bikaranîna ampulê bi dawî bû. Êdî dema HDP’ê ye, dema jiyana nû ye.”

Piştî axaftina Demîrtaş bi yek lîsteyî hilbijartin pêk hat û Mehmet Veysî Dîlekçî û Derya Hayva ji bo hevserokatiyê hatin hilibjartin.