Diyarname
Li DYA'yê ji bo hilbijartina hindik ma lê berendam ji niha de bûne sembolên amûran. Yek jê jî condom e.

Li Qada Timesê ya Manhattanê dikanên ku amûrên xelatê difroşin camên xwe bi wêneyên berendamên serokatiya Dewletên Yekbûyî yên Amerîkayê (DYA) xemilandine. Wêneyên berendam McCain û Obama her wiha wêneyên cîgirên wan jî bûne sembol ji bo amûrên xelatan. Li ser tîşortan, çende û şewqeyan: li ser qedeh û gelek tiştên din wêneyên wane hate bi cih kirin, yan jî navên wan li amûran hatiye kirin. Bi vê yekê jî ew amûr bi eleqeyeke baş re rû bi rû ne. Hem bala tûrîstan dikişîne, hem pir têne firotin. Yek ji tiştên herî zêde balê dikişîne jî condom (prezervatîf) e. Wêneyê berendam Obama û McCain, wêneyê cîgira berendamê Komarparêzan a Sarah Palin û wêneyê cîgirê berendamê Demokratan Joe Biden li ser paketan condoman dane û ev condom gelek balê dikişînin.

Ticarên li Qada Timesê diyar dikin ku amûrên ku wêneyên berendaman û cîgiren wan li ser e ev mehekê ye gelek têne firotin.

Hilbijartina ji bo serokatiya DYA'yê dê 4'ê sermawezê de li dar bikeve.