Diyarname
Nivîskarê kurd Îlhamî Sîdar di sala 2003'yan de bi navê "Bir Cudi Soylencesi: Bedirhan" (Vegotineke Cûdî: Bedirxan) romana xwe ya yekemîn bi tirkî derxistibû. Romana ku li ser serhildana Bedirxan bû di nav xwendevanan de bû sedema eleqeyeke mezin.
Pirtûk gelek firot, piştî demekê çapên wê yên nû derketin. Niha heman roman bi çapa xwe ya nû ji Aramê derket.

Roman bi zimanekî herikbar, çîroka Bedirxan bi awayekî balkêş pêşkêşî xwendevanan dike. Hem tehma romanê, hem agahiyên dîrokî qîmeta pirtûka Îlhamî Sîdar zêdetir dike.
Sîdar piştî "Bedirxan" bi navê "Dagli" li ser serhildana Meya Farqînê romaneke din nivîsandibû. Nivîskar Îlhamî Sîdar ku di van salên dawî de êdî bi kurdî dinivîse, herî dawî bi kurdî pirtûka xwe bi navê "Tehma Xeliyê" li ser serdema Şerefxanan nivîsî û ew roman jî ji Weşanên Aramê par derketibû.