Diyarname

34'emîn Festîvala Fîlman a Navneteweyî ya Stenbolê ku ji aliyê ÎKSV'ê (Weqfa Çand û Hunerê ya Stenbolê) tê organîzekirin bi merasimekê dest pê kir. Merasima ku li Salona Lutfu Kirdar li dar ket, pêşkêşvaniya wê Cem Davran kir. Wezîrê çandê yê Tirkiyeyê yê berê û endamê Lijneya Mutevelî yê ÎKSV'ê Talat Halman û romanivîskar Yaşar Kemal jî di nav de gelek kes hatin bibîranîn.

Di şeva ku salon tije bû û eleqe lê zêde bû de ji ber keda wan a di sînemayê de xelatên rûmetê dan hin kesan. Senarîst Sefa Onal di jiyana xwe de bi giştî 395 senaryo nivîsandine û ew bi van ketiya nav Pirtûka Rekoran a Guinnessê. Onal ji ber vê xebata xwe hat xelat kirin. Wî xelata xwe ji destê Turkan Şoray girt. Onal di sipasîkirinê de diyar kir ku ew ne malnişîn e, betal e, lê dinêre her roj 8-10 fîlmên wî li TV'yan têne nîşandayîn lê 160 lîrayî ji bo min zêde dibînin û nadin min, ev 12 sal in li hemberî vê yekê ez têdikoşim, ezê têbikoşim jî.

Muzîkar Cahit Berkay fîlmên "Çiçek Abbas" û "Selvi Boylum Al Yazmalım" jî di nav de bi giştî i bo 180 zêdetir fîlmî û ji bo li or 70 belgefîlmî wî muzîk çêkiriye û hê jî vê xebata xwe didomîne. Festîvalê ji ber vê yekê ew bi Xelata Rûmetê xelat kir. Cahit Berkay ku xelata xwe ji destê muzîkar Şebnem Ferah girt, piştî xelatgirtinê li ser dikê bi awayekî zindî du stran pêşkêşî temaşevanan kir.

Her wiha derhêner Yilmaz Atadenîz, lîstivan Suleyman Turan û Nebahat Çehre ji ber keda wan a sînemayên ew jî hatin xelatkirin.

Di warê Laleya Zêrîn, Pêşbaziya Neteweyî, FACE li Sînemayê Mafên Mirovan, Seyfî Toraman Fîlmê Yekemîn û Pêşbaziya Belgefîlman de bigiştî dê 49 fîlm bi hev re bikevin qayişkêşanê û bikin ku xelatê bi dest bixin.

Piştî merasimê fîlmê derhêner Ernesto Daranas Serrano "Conducta / Behavior / Hal û hewal" wekî fîlmê destpêkê yê festîvalê hat nîşandayîn.

Festîval heta 19'ê mehê li dar e û di vê çarçoveyê de li dor 200 fîlm û belgefîlm têne nîşandayîn. Du hefteyan li Stenbolê tenê dê qala fîlman bê kirin. Festîvala Stenbolê ku wekî cejna fîlma tê binavkirin îsal li Beyoglu li Sînemaya Atlasê (2 salonên wê) li Salona Beyoglu û li Navenda Çanda Fransiz; li Kadikoyê li Sînemaya Rexxê (2 salonên wê); li Ortakoy li Sînemaya Ferîkoy û li Tophaneyê li Sînemaya Îstanbul Modernê fîlm lê têne nîşandayîn. Wekî salên din îsal jî seansên saet11.00, 13.30 û 16.00 bilêtên wan bi buhaya 5 TL û seansên saet 19.00 û hemû seansen dawiya hefteyê bi buhaya 17 TL (yên tam) û yên erzan bi 12 TL têne firotin.

** 

Nûçeya eleqedar:

- Belgefîlmên kurdan li Festîvalê li benda we ne 

- Fîlmên kurdan li Festîvala Stenbolê dibin mêvan

- Agahiyên nû li ser Festîvala Fîlman a Stenbolê
- Pêşbaziya belgefîlman jî li festîvalê hate zêdekirin

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.  

REKLAM 

"Ji Osmanî heta Komarê Dêrsim"