MÊRSÎN

Ligel ku li Mêrsîn û Edene di avahiyên HDP'ê de teqîn pêk hatin jî HDP'ê bernameya mîtînga Mêrsînê betal nekir. Bi deh hezaran kes beşdarî mîtîngê bû. Hevserokê Giştî yê HDP'ê Selehattîn Demîrtaş, di mîtîngê de bêyî nav bide, destnîşan kir ku dizanin li pişt vê êrîşê kî heye û wiha got: "Me bi êrîşa li Mêrsîn û Edene li dijî avahiya HDP'ên HDP'ê pêk hat peyamên xwe wergirt. Bersîva ev e. Em te nakin serokwezîr te nakin serokwezîr."

Ji axaftina Demîrtaş hin not:

- Ez careke din êrîşa li hemberî rêxistinên me yên Edene û Mêrsînê şermezar dikim û ji bo hemû hevalên me, gelê Mêrdîn û Edeneyê, ji bo partiya me sersaxî dixwazim. Ji bo birîndarên me şîfayê dixwazim.

- Îro li Mêrsîn û Edeneyê wisa cih hatiye hilbijartin ku Xwedê biparêze, xwestin cenazeyên rêveber û berendamên me derxin. Ev hewldana komkujiyeke mezin bû, ji ber ku her sibe civîna kordînasyona  me ya hilbijartinê heye. Xwedê parast ku cenaze derneketin. Xwestin kurdan bikin neyarê tirkan, tirkan bikin neyarê kurdan. Xwestin hêrsê, tirsê li kuçeyan bikin serdest, ev operasyoneke bênamûs bû.

- Xwişk û birayên min ên li Mêrsînê 7'ê pûşperê ne dawiya vî welatî ye. Roja 8'ê pûşperê jî emê bi hev re bijîn. Emê li rûyê hev binêrin. Wekî Mêrsînê li 81 welatan emê li ber hev bijîn. Tiştê xwestin bikin hêrs bibin, nefret bikin, ji bo vê yekê helwdana komkujî kirin. Ciwanên me yên li qadê xebatê dikin, hemû rayedarên partiya me û hezkarên qartiya me li hemberî vê yekê, rêya têkbirina vê yekê ev e: Li kuçeyê dema we yekî ji AKP, yekî ji CHP, yekî ji MHP dît bi nefretê lênenêrin; bi hezkirin binêrin ku ev provakasyon bila têk here. Ji van yek jî ne neyarê me ye. Ji ber ku dengê xwe dide partiyeke din ew ne parçeyeke vê provakasyonê ye. Emê destûr nedin. Serketina me ya herî mezin dê aştî be. Ev yek ji sindoqê, ji kursiyan, ji mebûsiyê bi qîmetir e. Aştiya vî welatî ji canê min biqîmetir e. Bi inyad emê vê biparêzin.

- Gelên Tirkiyeyê vê destê aştiyê bigirin, HDP xurtir here parlemenê dê nikaribin wisa bêbextî bikin.

- Her mirov aqilek, wijdanek wî heye. Emê hurmetê nîşan bidin.

- Hûn ber kîjan ofîsa hilbijartinê re derbas bûn silavê lê bikin ku bila bizanibin HDP partiyeke çawa ye. Yên ku bi êrîşa li Edene û Mêrsînê peyam şandin, ez bang li wan dikim. Me peyam girt. Hê jî emê te nekin serokdewlet, hê jî emê te nekin serokdewlet.

- Serokomarê welat ji bo HDP'ê dibêje rêxistina terorê lê gotinek ji bo DAIŞ'ê nake. Yên ku hevkarên çeteyên tecawizkar bin nikarin dersa demokrasiyê bidin me. Yên ku bi pereyên gel çekan ji bo artêşa tecawizkaran dişînin nikarin ji bo me qala dîn û îman bikin. Hûn dê hesabê vê yekê bidin.