EDENE

Namzeta HDP’ê ya Edeneyê Meral Daniş Beştaş di civîna çapemeniyê ya têkîldarî êrîşên bombeyî yên li dijî avahiyên Edene û Mêrsînê yên li dijî HDP’ê pêk hatin diyar kir Midûriyeta Enmiyeta Edeneyê agahiyê nadin wan lê tevî vê yekê jî agahiyan serwîsî çapemeniya nêzî AKP’ê dike, ew ji agahiyên têkîldarî nasnameya êrîşkar de hatine dayîn jî bawer nakin û Serokwezîr û Wezîrê Karên Hundir derewan dikin.

Li ser êrîşên bombeyî yên li dijî avahiyên HDP’ê yên Edene û Mêrsînê li avahiya HDP’ê ya Edeneyê daxuyanî hate dayîn. Namzeta HDP’ê ya Edeneyê Meral Daniş Beştaş axivî û bibîr xist ku roja 18’ê gulanê avahiyên wan ên Edene û Mêrsînê rastî êrîşên bombeyî hatine û bal kişand ser daxuyaniyên ji aliyê hikumetê ve têkîldarî nasnameya êrîşkar tên dayîn.

Beştaş got ku hatina hevserokên wan ê li herêmê berî 2 hefteyan dihat zanîn û bi êrîşa bombeyî vê plana qetlîamê hatiye kirin. Beştaş da zanîn ku ji bo ku kiryarên bûyeran bên dîtin bi walîtî û emniyetê ve hevdîtin pêk anîne lê bê encam maye. Beştan destnîşan kir ku tevî biryara nepenîtiyê ya bûyerê jî agahî li çapemeniya nêzî hikumetê derdikeve û xwest hikumet agahiyên hene bi HDP’ê re parve bikin.

Beştaş got ku piştî êrîşê şahidên ku, kesê kulîlk aniye dîtine çûne emniyetê îfade dane duh jî 4 şahid çûne, di wêneyên ku hatine nîşandan de êrîşkar teşhîs nekirine. Beştaş diyar kir ku Midûriyeta Enmiyeta Edeneyê agahiyê nadin wan lê tevî vê yekê jî agahiyan serwîsî çapemeniya nêzî AKP’ê dike, ew ji agahiyên têkîldarî nasnameya êrîşkar de hatine dayîn jî bawer nakin û Serokwezîr û Wezîrê Karên Hundir derewan dikin.

Beştaş da zanîn ku ew aqûbeta qetilkirina Kadrî Bagdu û Îbrahîm Aras jî baş dizanin û ew bawer nakin ku kesê bi navê Savaş Yildiz endamê DHKP-C ye û nirxandina “Li Tirkiyeyê yên ku wekî kiryar tên nîşandan an kurd in an jî çepgir in. Em vê helwesta hikumetê şermezar dikin. Hema ku wê bibêjin me xwe bi xwe bombe kiriye” kir.

Demîrtaş: Her tişt AKP'ê nîşan dide

Hevserokê HDP'ê Selahattin Demirtaş jî li Stenbolê çû serdana rawestgeheke texsiyan û li wir qala bûyera Edene û Mêrsînê jî kir. Demîrtaş wisa got: "Ger nasnameya kesê êrîşê avahiyên HDP'ê kiriye diyar e wê çaxê çima hûn dosyayê vedişêrin û nahêlin raya giştî hîn bibe. Li gor agahiyên gihîştine ber destên me ev kes ketiye Sûriyê û derketiye. Xizmek wî niha li nav DAIŞ'ê ye, ew bi xwe jî demekê li herêma DAIŞ'ê maye. Kesê dibêjin DHKP-C'yiye li ser wî agahî di destê me de hene ku têkiliya wî bi DAIŞ'ê re heye. Her tişt AKP'ê nîşan dide."