AMED
Hevserokê Giştî yê BDP'ê Selahattîn Demirtaş, diyar kir ku ew ê li rêxistinên navçe û bajaran kampanyaya boykota "Andimiz (Sonda me)" bidin destpêkirin.

Hevserokê BDP'ê Demirtaş daxwazname dabû Midûriyeta Perwerdehî* û xwestibû ku keça wî êdî li dibistanê "Andimiz" nexwîne, lê ev daxwaza wî hatibû redkirin. Demirtaş ev redkirin wekî nîşaneya têkçûna pergalê bi nav kir.

Demîrtaş, da zanîn ku tu cezayê ku zarok "sonda me" nexwînin tune ye û wiha berdewam kir: "Ez li vir bang li welatiyan dikim ku çalakiya raperîna gel li dar bixin. Zarokên xwe neşînin xwendina sonda nîjadî. Rêxistinên me yên navçe û bajaran ji bo vê çalakiya raperîna sivîl kapmanyayekî berfireh bidin destpêkirin"

Demîrtaş got, "Sonda ku kesek nîjadaperest ê tirk di sala 1934'an de nivîsiye bi zarokên me didin xwendin zilm e."

Hevserokê BDP'ê Demîrtaş da zanîn ku ew nemecbûr in vê zilmê qebûl bikin.

**

Nûçeya eleqedar:

- Hevserokê BDP'ê Demirtaş "Andimiz"ê boykot dike