Altan Oymen

DTP çi ye? Navê wê 'Partiya Civaka Demokratîk' e. Wekî navê xwe, yek ji partiyên siyasî yên Tirkiyeyê ye.
Hûn çiqas dixwazin hûn dikarin polîtîkayên wê rexne bikin. Lê ji aliyê hiqûqî ve rewşa wê ji partiyên din ne cihêtir e. Der barê wê de li Dadgeha Zagona Bingehîn doz hatibe vekirin jî ev rastî naguhere. Li hemberî AKP'ê jî dozeke bi vî rengî vebûbû. Dema doz berdewam dikir, kesî nêzîktêdayîneke cihê nîşanî wê neda. Rastî jî ew bû.
Bi ya min Serokwezîr Erdogan gelek şaş e ku bi wê partiyê re têkiliyê çênake. Sedema serokwezîr ev e: Ew partî, PKK'ê wekî 'rêxistina terorê' bi nav nake û wekî nav şermezar nake.
A rast wan rayedaran gelek caran di daxuyaniyên xwe de gotin 'em li dijê her cure terorê ne'. Ev daxuyanî terora ku li ser navê PKK'ê tê kirin jî di nava xwe de dihebîne. Lê ji bo Serokwezîr ev daxuyanî têrê nakin. Ji DTP'yiyan xwestiye tiştên ku ew dixwaze, tiştên ew formule dike bibêjin. Ragihandiye ku heta vê yekê nekin dê bi wan re têkilî saz neke.
Çima? Ji ber ku DTP wê formûlê nayne cih, li gor Serokwezîr 'ew piştgiriyê didin terorê'... Lê ev şiroveyeke. Tu aliyeke hiqûqî ya vê şiroveyê nîn e.
Her wiha; Serokwezîr, bi gotina 'di hilbijartinê de bi ser ketine û ketine meclisê' bi Hamasê ku di lîsteya terorê de ye têkilî datîne. Serokwezîr bi têkilîdanînê jî nasekine, ev sê sal in ji bo her kesî pêşniyar dike ku têkiliyeke wisa çêbikin. Serokwezîrê ku vê yekê pêşniyar dike, çawa partiyeke siyasî DTP'ê ku di meclisê de ye, tu têkiliya wê bi lîsteya terorê re nîn e re sazkirina têkiliyê red dike?..
Wî, ji Hamasê re jî got û formulên "Li ser terorê divê tu wisa, wisa biaxivî". Hamas li gor wê formûlê tevgeriya ku Serokwezîr ev sê sal in têkiliya bi Hamasê re didomîne?
Serokwezîr li ser vê nakokiyê jî daxuyaniyeke bide dê baş be.

altan.oymen@radikal.com.tr

01.02.2009, Ji Radîkalê hatiye girtin