Diyarname
Li Amedê ji bo pirozbahiya Newrozê xebat ber bi dawiyê ve diçin. Komîteya amadekar îsal di afîşa Newrozê de spanyolî jî bikar anî.

Bifikirin ku diruşmek tê avêtin bi kurmancî "Êdî bes e" lê tê qedexekirin. Lê bi zazakî ne qedexe ye. Hûn jî ji vê sûdeyê werdigirin û bikar tînin. Li Amedê wisa bû. Ji ber ku Dozger "Êdî bes e"ya kurmancî qedexe kir û ji ber ku bi zazakî nezanî zazakî qedexe nekir! Li ser vê komîteya amadekar a Newroza îsal jî afîşa Newrozê amade kir, di afîşê de bi zazakî 'Hînî bes' û bi îspanyolî 'Ya basta' û bi îngilîzî 'Enough is Enuogh!' bikar anî.

Divê mirov heqê amediyan nexwe, ji ber ku çendekî berê dîsa ji ber balê bikişînin ser qedexa bi kurdî di 8'ê Adarê de bi çînî afîş amade kiribû.

Nota dawî: Di Newroza îsal de dê Koma Çar Newa, Alî Asker, Koma Rewşen û Koroya Navenda Çand û Hunerê ya Dîcle Firatê derkevin ser dikê û stranên xwe pêşkêş bikin.
Li gor komîteya amadekar a Newroza Amedê ew li benda nêzî mîlyonekî kesî ne.