Diyarname
Di rojnameya alman FAZ'ê de Tirkiyeyê reklamek bi şiklê hevpeyvînê weşad lê hevpeyvînek sexte.

Ev du sê salên dawî ye ku li Tirkiyeyê rewşa tûrîzmê gelek xirab e. Tirkiye ji bo ji vê derkeve serî li her rêyî dide. Herî dawî jî ji bo tûrîstên alman bikişîne Tirkiyeyêreklamek da rojname FAZ (Frankfurter Allgemeine). Di reklamê de hevpeyvîn ligel Cîgirê Midûrê Giştî yê Odela Sanayî û Ticaretê yê Tirk-Alman (AHK)  Frank Kaiser hatiye kirin. Kaiser li Tirkiyeyê dijî. Di reklamê de ji devê Kaiser tê gotin ku Tirkiye ji bo tûrîstan û ji bo yên razemenî bikin cihek gelek guncan e. Lê piştî ku reklam di rojnameyê de derket Kaiser daxuyanî da û got ku ligel wî hevpeyvînek wisa nehatiye kirin. Kaiser dibêje tiştên di reklamê de hatine gotin rast in lê bi wî re hevpeyvînek wisa nehatiye kirin.
Her wiha Kaiser got ku kesê navê wî di reklamê de derbas dibe ku qaşo pêre hevpeyvîn kiriye jî nas nake ew kî ye.
Sekreterê AHK'ê yê Tirkiyeyê Jan Nother ji bo FAZ'ê axivî ew wekî "fake news" (Nûçeya derew) bi nav kir, diyar kir ku ne wî hevpeyvînek wisa dîtiye ne jî Kaiser û got: "Hevpeyvînek bi vî awayî nehat kirin û me jî ji bo weşandina tiştek wisa destûr nedaye. Tiştên di reklamê de ne şaş in lê bêyî ji me bipirsin em di reklamê de hatine bikaranîn, ev yek nabe."
Di pirsek de li ser pozîsyona Nother yê AHK Tirkiyeyê de bersiv heye ku Nother bi taybetî li ser vê gelek hêrs bûye. Ew dibêje ev agahî ji nameyek navxweyî ku ji bo endaman hatiye şandin girtine û ji ber vê ew gelek hêrs bûye ku çawa tiştek wisa bikar tînin.