Diyarname

Serokwezîrê Tirkiyeyê Ahmet Davutoglu li Riyadê li ser Sûr û Cizîrê axivî û got: "Silopî xilas bû, Sûr û Cizîr jî li ber xilasbûnê ye. Em xwe digihînin kadroyê bingehîn ên terorê organîze dikin. Sûr dê wekî Toledo bibe navendek balkêş."

Davutoglu li paytexta Erebistana Siûdî Riyadê ji bo rojnamegerên ligel wî axivî û got "Me li bakurê Iraqê derbeyek giran li terorê da, di heman demê de me operasyon li hemberî DAIŞ'ê çêkir, em bi ser hin navçeyên xendek kolan de çûn." Davutıglu dûre wisa got: "Silopî xilas bû, Sûr û Cizîr jî li ber xilasbûnê ye. Em xwe digihînin kadroyê bingehîn ên terorê organîze dikin. Li vir gelek nîşangirên tetikkêş hatin diyarkirin. Hedefa wan ew e Tirkiyeyê tevlihev bikin. Heta hemû bajar paqij bibin, hema hemû çek bêne bidestxistin ev têkoşîn dê bidome."

Davutoglu dûre wisa gotiye: "Ev bajar di salên 90'î de bi awayekî xaro maro mezin bûne... Bi taybetî li Sûrê min got kevirek li ser kevir bê danîn dê haya min jê çêbe. Xaniyên diyarkirî yên Diyarbekirê, mizgetf, dêr,xan bêyî em zirarê bidin mîmariya bajêr emê restore bikin. Emê Sûrê wisa ava bikin ku dê wekî Toledo bi mîmariya xwe bibe navendek ku her kes bixwaze here bibîne."

Lê ev Toledo ku der e? Çi taybetiya Toledo heye? Haya Davutoglu baş jê heye yan na?

Vaye Toledo:

"Toledo (Bi latînî: Toletum, bi erebî: Tuleytula), li nava Spanyayê, navenda herêma xweser a Kastilya-La Mancha (Comunidad autónoma) ye. 70 kîlometre li başûrê Madrîdê ye, sê aliyên wê bi Çemê Tajo pêçayî ye, poçê wê li ser kendalek e. Li gor sala 2008'an serjimariya wê 80 hezar û 810 kes e. Di dema Romayiyan de navê bajêr Toletum bû. Di sedsala 8'an a Piştî Mîladê de Ereb û misilmanên din ew der fetih kirin. Di dema wan de bi navê Tuleytula dihat nasîn.

Toledo îro xwedî qadek mezin a tûrîzmê ye. Ji welatên derve gelek tûrîst tên vê derê. Beşa dîrokî ya Toledo jî di nav de 40 berhemên Spanyayê di nav Lîsteya Mîrateya Çandî ya UNESCO'yê de ye. Rêveberiya wir niha di destê Partiya Karker a Sosyalîst de ye, û rêveberê wir jî  Emiliano Garcia-Page Sanchez." (Ji Wîkîpedîa)

Belê Toledo cihek dîrokî ye, cihê tûrîzmê ye û herêmek xweser e. Û li Sûrê ji ber ku rêveberiya wê derê xwest ew der bibe xweser niha ev tişt tên ser wê. Rojnamegerên ku guhdariya Davutoglu kirin ji wan yekî nepirsî "Toledo xweser e, dê Sûr jî bibe xweser?"...

Ev jî ala Toledo ye: