Deqîqe 90+4 maç xilas: 3-3
Di maçê de wekhevî xira nebû û maç bi 3-3 bi dawî bû. Maça duyem 3 hefte paşê li Stenbolê dê li Stada Fenerbahçe Şukru Saraçoglu de bê lîstin û yê serketî dê derbasî nîv fînalê bibe.

Li hundir maç, li derve TOMA
Ji serê sibê de gelek TOMA û hêzên dewleta Tirkiyeyê hatibûn dora sehayê. Di dema ku maç didome de TOMA li derve êrîşê temaşevanên hatine dora sehayê dike

Deqîqe 75:
Volkan li ser navê FB'ê gol avêt û careke din wekhevî çêbû. 

Deqîqe 70
Gol Yusuf. Amed 3-2 li pêş e. Yusuf gelek bi şid li golê da û Amed derxist pêş.

Deqîqe 68:
Gol: Ferdî. Amedê maç kir wekî hev: 2-2 

Deqîqe 44:
Fernandao li ser navê Fenerbahçeyê gol avêt.

Ji hewayê balafirên şer difirin
Ji ser Amedê re di van deqîqeyan de balafirên şer difirin û di bin dengê wan de maç tê lîstin. Ji ber dengê balafiran carinan dengê pêşkêşvan baş nayê.

Deqîqe 14
Li ser navê FB'ê Ramazan gol avêt

Deqîqe 9
Li ser navê Amed sporê Şehmus gol avêt û Amed 1-0 derket pêş

Maç bi protestoyê dest pê kir
Maç bi lêdana lîstikvanên Fenerbahçeyê dest pê kir, lê we çi ye, Amed sporî li cihê xwe sekinîn e. Piştî nîv deqeyî hat fêmkirin ku protestoyek e ev. Maça Amed Spor û Fenerbahçeyê bi protestoya lîstikvanên Amedê dest pê kir. Bi destpêkirinê re lîstikvanên Amedê rawestiyan û cezaya bê temaşevan lîstinê şermezar kirin. Diyar e lîstikvanên FB'Ê jî berê de hay ji vê hebûn û li gor wê bi qasî nîv deqe wisa lîstin

Her du tîm derketin sehayê.
Amed Spor bi pankarta "Bila zarok nemirin, bên maçê bikin"

Kadroya Tîman 

Amed Spor:
Levent Taşkın, Şevket Gungor, Sercan Ozçelik, Mehmet Abdullah Çoban, Başaran Balc, Ercan Çapar, İbrahim Ferdi Coşkun, Mansur Çalar, Yusuf Yagmur, Tekin Adar, Şehmus Ozer
Teknîk Dîrektor Harun Kiliç

Fenerbahçe:
Fabiano Ribeiro, Şener Ozbayrakli, Hasan Ali Kaldirim, Simon Kjaer, Michal Kadlec, Diego, Josef De Souza, Mehmet Topuz, Alper Potuk, Ramazan Civelek, Fernandao
Teknik Dîrektor Vitor Manuel Pereira 

Hin îstatîstîk:
- Buhaya tîma Fenerbahçeyê 155 mîlyar û 600 hezar Euro ye.
Yê tîma Amed spor 2 mîlyon û 450 hezar Euro ye.

- Fenerbahçe di sala 1907'an de hatiye avakirin û di Lîga Super a Tirkiyeyê de dilîze.
Amed spor di sala 1990'î de hatiye avakirin û di Koma Sor a Lîga 2'yem a Tirkiyeyê de dilîze.

- Di lîga xwe de FB niha yekemîn e
Amed Spor di lîga xwe de 8'emîn e.

- Stada FB'ê li gor 50 hezar û 500 temaşevanî hatiye sazkirin.
Stada Amedê tenê 1540 kes dikarin têde bi cih bibin.

- FB di Lîga Super de ye û her wisa di Kûpaya UEFA'yê de jî niha dilîze.
Amed spor tenê di lîga xwe de ye.

- FB 6 caran ev Kûpaya Tirkiyeyê bi dest xistiye. (GS 15. BJK 9, Trabzonê 6 caran ev kûpa girtiye)
Amed Spor yekem car e di vê kûpayê de kariya heta Çarîk Fînalê bê.

- Teknîk Dîrektorê FB'ê Vitor Manuel Pereria 47 salî ye û Espinho hatiye dinê.
Teknîk Dîrektorê Amedê Harun Kiliç 43 salî ye û li Amedê hatiye dinê. 

Buhaya lîstikvanên ku gol avêtin

Amed Spor
Şeyhmus: 50.000 EUR
Ferdî: 100.000 EUR
Yusuf: 150.000 EUR

FB
Ramazan
Fernandao: 8.500.000 EUR
Volkan: 5.250.000 EUR