NAVENDA NÛÇEYAN

Navenda Dokumantasyona Veqfa Komeleya Mafên Mirovan a Tirkiyeyê (TÎHV) li ser qedexeyên derketiya kuçeyan a li bajarên kurdan ên di navbera 16'ê gelawêja 2015'an heta 16'a adara 2016'an raporek amade kir. Rapor ji nûçeyên di çapemenî de hatine weşandin, ji agahiyên saziyên eleqeder, malperên fermî yên saziyên dewletê, parêzer, qeydêm dîmenan, raporên saziyên civakî, partiyên siyasî hatiye amade kirin. Li gor raporê di vê serdemê de herî hindik 310 sivîl hatine kuştin.

Vane hin agahiyên ji raporê: 

- Li Amedê 34 caran, li Şirnexê 9 caran, li Mêrdînê 11 caran, li Colemêrgê 5 caran, li Mûşê carekê, li Xerpête carekê, li Êlihê 2 caran, bi gişti 22 navendan û 63 caran bê navber derketina kolanan hatiye qedexekirin. 

- Li gorî vê herî hindik mafê mîlyonek û 642 hezar kesî  hatiye binpêkirin.

- Li gor rapora Wezareta Tenduristiyê ya 27'ê reşemiya 2016'an 355 hezar kes ji cih û warên xwe koç bûne. 

- Ji 310 sivîl hatine kuştin, ligel vê nasnameya 79 kesên ku hatine kuştin jî nediyar e.

- Li Cizîrê 59 kes bêyî nasameyên wan bên diyarkirin hatin definkirin. 

- 20 kesên ji Sûrê hatine derxistin hê nasnameya wan nehatiye diyarkirin û li morgan tên rawestandin.

- Ji 310 kesan 72 jê zarok, 62 jê jin, 29 jê temen bi ser 60'î re hatine kuştin.

- 79 kesên li Cizîr û Sûrê hatin qetilkirin hêj nasnamya wan nehatiye diyarkirin.

- Herî hindik 76 welatiyên sivîl ji ber nekaribûne herin nexweşxaneyê mirine.

- 180 welatî li nav sînorên malên hatine kuştin. Ji van 162 kes bi guleyên çekan an jî topan hatine kuştin. 18 kes jî di nava şer de jiyana xwe ji dest dane. 

- Tenê li Cizîrê 137 welatiyên sivîl hatin qetilkirin. 

- Li navçeya Gimgima Mûşê 24 kesan jiyana xwe ji dest da. 

- Li navçeya Farqîna Amedê 15 kesan jiyana xwe ji dest da. 

- Li Bismila Amedê bi piranî zarok 8 kesan jiyana xwe ji dest da. 

- Li navçeya Sûrê 24 kesên nasnameya wan diyar jiyana xwe ji dest da. Nasnameya 20 kesan jî hej ne diyar e. Bi giştî 44 kesan jiyana xwe ji dest da. 

- Li Baglara Amedê 2 kesan jiyana xwe ji dest da. 

- Li Gevera Culemêrgê 5 kesan jiyana xwe ji dest da. 

- Li navçeya Cizîra Şirnexê 186 kesên nasnameya wan diyar bû û piranî zarok bûn jiyana xwe ji dest da. Li aliyê din hê 59 cenaseyên nasnameya wan nediyar li morgan in. 

- Li navçeya Sîlopyaya Şirnexê 29 kesan jiyana xwe ji dest da. 

- Li navçeya Hezexê jî 14 kesan jiyana xwe ji dest da. 

- Li navçeya Nisêbîna Mêrdînê 20 kesan jiyana xwe ji dest da. 

- Li navçeya Kerboranê jî 5 kesan jiyana xwe ji dest dan.