Diyarname

Komey Diyalogî ke di miyan de mebûsê verînî û henî xebatkarê meclisê yê verînî estê eyro Stenbol de kombiyayişêke viraşt û qeydî destnêdayişê mebûsan veynda mebûsanê enkay.

Miyanê Komey Diyalogî de Akin Bîrdal (HDP), Ali Haydar Konca (HDP), Beyza Ustun (HDP), Binnaz Toprak (CHP), Cengiz Aktar, Gencay Gursoy, Gulseren Onanç (CHP), Hasip Kaplan (HDP), Husnu Okçuoglu, Levent Tuzel (HDP), Melda Onur (CHP), Oya Baydar, Ozgur Mumcu, Riza Turmen (CHP), Rona Aybay, Salman Kaya (CHP), Sabahat Tuncel (HDP), Suleyman Çelebi (CHP), Tarhan Erdem, Ufuk Uras (HDP), Ziya Halis û Zulfu Livaneli estê

Kombiyayiş de mebûsê verîn ê CHP'î ALtan Oymenî xeberdano verîn kerd, vat ke komey yînan qeybî çareserî pirsgirêkan kede bido hamiya viraştiş û wina dewam kerd: "Welat enka rastê pirsgirêkanê pîlan hamey. Hevalê ma yê enka miyanê siyasetî de çalak ê gorey fikrê xo hawnena meselan ra. La komasiya diyologî esta. Fikrê ma ewo ke kêmasiya diyalogî a miyanê partiyanê meclise de gere bêro helkerdişî. Miyanê ma de partiyanê tewir tewirî ra hevalê ma estê. Ma wazenê heme çî bi rey aştî û demokrasî bêro helkerdiş."

Mebûso verîn ê CHP'î Riza Turmen jî vat ke madew AKP'î kerdo hedre û wazeno pê  biryarê destnêdayişê mebûsan rakero hetê hiqûqî ra şaş o û vat: "No made gorey Zagoney Bingehînî ra niyo, mafê mebûsan ê parastinê ortera dareno we."

Mebûso verîn Hasip Kaplan ke BDP û HDP de di demî mebûs jî vat ke AKP wazero bi nê madî vengê muxalefî bibirno û bi enî jî derbeykew sivîl virazo. Kaplanî ana vat: "Hiqûqnasê Hîtlerî pêsero kom bibê jî nêşkenê madeyke zey enî madey AKP'î hedre bikerê. Kam paştî bido ene madî ew hemberê demokrasî û aştî de îxanet keno. Qeybî demokrasî ma veyndenê her kesî ke bi berpirsiyar game berzo."

Dimara ALtanî reyna xeberî da û veynda heme mebûsanê meclisey Tirkiya de û vat ke wa ê bêrê têhet, reyne bîne bivînê.