Diyarname

Kovara Tîrojê bi hejmara xwe ya nû li ber destên xwendevanan e. Di vê hejmarê de meseleya xirakirina Sûr û Cizîrê hatiye nirxandin.

hejmara xwe ya 80'yî derxist di vê hejmara gulan-pûşperê de dosyaya xwe li ser bajarên kurdan ên hatine xirakirin saz kiriye

Di dosyaya bi sernavê "Konsepta Cizîr-Sûrê: Paşeroja hatiye xirakirin, pêşeroja hatiye dizîn" de Bariş Avşar, Nevzat Onaran, Firat Anli, Şeyhmus Diken, Serhak Arslan, Hakan Sandal û Umit Kivanç li ser meseleyê dîtinên xwe anîne ziman. Rojnameger Nevzat Onaran dibêje "Li Sûr û Cizîrê 'Navenda Tirkîtî' ya modela 1930'yî tê avakirin!", Firat Anli dibêje "Lêgerîna ku herêmê veguherînin rengê Îslamî heye". Şeyhmus Diken jî bi van gotinan meseleyê tîne ziman: "Ji sicîla Sûrê dixwazin bîrê jê bibin". Umit Kivanc jî bi vî awayî mesele girtiye dest: "Em ji derewa Kemalîst derbasî derewa Îslamparêz-Osmanî bûn."

Di kovarê de hin hevpeyvîn jî hatine weşandin, yek ji wan jî hevpeyvîna ku bi helbestvan-nivîskar Îrfan Amîda re hatiye kirin ku Amîda yek ji endamê Juriya Pêşbaziya Arjan Arî bû ku li ser 'çima îsal xelat nedan berhemek' disekine.Amîda dibêje "Me xelat bida, bi ya min min ê neheqî li Arjen Arî bikira."

Enwer Yilmaz bi sernavê "Zimanê ma de xebatêka erjîyaye yê Jiyan TV'yî" li ser kanala Jiyan TV ku dest bi weşana bi kirmanckî kiriye nivîsek amade kiriye.

Îsmîal Dîndan, M.Ender Ondeş, Sami Tan, Hakki Ozdal, Brahîm Farqînî, Firat Cewerî, Serdar M. Degirmencioglu, Fatih Polat, Mesûd Serfiraz, Akman Gedîk, Adnan Çelik, Cemil Oguz, Îbrahîm Gênç, Tahir Araz, Trîreşk Nisêbîn, Bulent Gedik, Musa Vazgali, Ayşen Guven, Veysel Vesek, Kejê Bêmal bi nivîsên xwe, Gokhan Demîr, Alî Aydin Çîçek, Eyup Turgay jî bi helbestên xwe di kovarê de cih girtine.

Her wiha Tîrojê kampanyaya abonetiyê daye dest pê kirin ku yên salek bibin abone (abonetiya salek bi 40 TL'yî ye) dê 2 pirtûkan jî wekî diyarî bidinê, yên ku 2 salan (ji bo 2 salan 80 TL) bibin abone dê 4 pirtûkan wekî diyarî bidin wan. Dîsa hatiye gotin ku her kesê bibe abone dê pirtûkek zarokan jî diyarî wan bê kirin.

Ji bo xwestin û abonetiyê:
tirojdergisi@gmail.com

(0090) 212 255 25 46