AMED (DÎHA)

15 baroyên Kurdistanê li Çewlîgê kom bûn. Baroyan piştî civînê encamnameyek belav kir. Di encamnameyê de ji bo aqûbeta Rêveberê DBP'ê yê Şirnexê Hurşît Kulter banga hevpar kirin. Daraz jî rexne kirin û diyar kirin ku der barê serxwebûna darazê de fikarên wan zêde ne. Parêzeran ji rayedaran xwest der barê Kulter de agahiyên şênber bi raya giştî re parve bikin. 

Baroyên bajarên Semsûr, Agirî, Êlih, Çewlîg, Bedlîs, Amed, Dersim, Colemêrg, Qers, Erdexan, Mêrdîn, Mûş, Sêrt, Şirnex, Riha û Wanê di 9'ê Tîrmehê de li Çewlîkê civin pêk anîn. Piştî civinê encamnameya civînê bi raya giştî re parve kirin. Parêzeran piştî civînê encamnameya civînê bi raya giştî re parve kirin. Di encamnameyê de diyar kirin ku yek ji esasê avakirina aştiya civakî parastina hiqûqa gerdûnî ye. Di encamnameya 15 baroyên Kurdistanê de wiha hat gotin: "Bi taybetî di pêvajoya qirîza aborî û siyasî dijî de pêdivî berî her tiştî bi darazê heye. Ji bo civak di nava aştî, aramî û ewlehiyê de bijî berî her tiştî pêdivî bi hiqûq û edaletê heye. Mixabin di vî alî de daraz bûye alî û serxwebûna xwe winda kiriye. 

Serokê Baroya Amedê Tahir Elçî li gel ku 8 meh berê hat kuştin jî hêj têkildarî dosyaya wî tu gavên şênber nehatiye avêtin. Li şûna agahiyan ronî bikin û darazê kûr bikin, dijberî vê yekê hewl didin ser dosya û lêpirsînê bigirin. Tenê em li rewşa dosya Tahîr Elçî binerin em dikarin rewşa hemû darazê bibînin. Dîsa Rêveberê DBP'ê yê Şirnexê Hurşit Kulter 45 rojin agahî jê nayê girtin. Ev rewşa Kujer Nediyaran karaktera siyaseta Tirkiye nîşan dide.

Li gel hemû hewldanan 44 rojan agahî ji Kulter nayê girtin. Heta niha bersîvek şênber û înka bike nehatiye dayîn. Em dixwazin der barê Kulter de agahiyên şênber û bersîva înkayê bidin. Li Şirnex û Nisêbinê li gel operasyon bi dawî bûne jî hêj qedexe didomin. Ji bo binpêkirin û sûcên heyî ben veşartin û Saziyên Civakî nikaribin lêkolîn bikin qedexe didomin. 

Di demên dawî de girtin, binçavkirin gelek zêde bûye. Siyasetmedarên tên girtin sirgûnî girtîgehên dûr tên kirin. 

Di demên dawî de bi rêbaza SEGBİSê mafê parastinê tê astengkirin. Daraz êdî bêaliya xwe winda dike. 

Dîsa mafê girtiyê nexweş bi tevahî ji destê wan tê girtin. Mafê wan ê jiyanê ji destê wan tê girtin. Em dixwazin ev pirsgirêk demek lezgin bê çareserkirin û mafê girtiyan bê parastin. Disa divê pirsgirêka kurd bi riya aştiyê bê çareserkirin. 

Di demên dawî de dîsa êrîşên li dijî parêzeran zêde bûye. Ev fikarên me zêde dike. Em dê têkoşîna hiqûqî berdewam bikin. 

Em dîsa diyar dikin ku hewldanên me yên ji bo vekirina Dadgehên Adliyê yên herêma Amed û Wanê dê berdewam bikin.