Diyarname

Li dinyayê hevkêşeyek heye. Xweze li gor vê hatiye şikilgirtin. Di nav  jiyana mirovan de hevkêşe xalek gelek girîng e. Di navbera pirsgirêkan û çareseriyan de jî hevkêşe heye. Û di nav jiyanên li bajarên kurdan de jî. Niha pêşangehek bi navê "Hevkêşe" hate vekirin ku hunermend Fahrettin Duran ew vekiriye. Duran ji Culemêrgê ye. Hevkêşeya di navbera çiya, kevir, zinar, newal, şikeftên li Culemêrgê de bandor li zarokatiya wî, li jiyana wî kiriye û wî jî di tabloyan de bi cih kiriye ew hevkêşe. Û niha di pêşangehê de ew vê bi navê "Hevkêşe" pêşkêşî hunerhezan dike.

Duran ji Zanîngeha Işik Atolyeya Halîl Akdenîz mezûn bûye û dest bi çêkinina wêneyan kiriye. Di çend wêneyên pêşîn de ketiye dû gerek lê berî zêde bigere biryar daye ku li ser "Hevkêşe"yê bisekine û ev hêma ji bo xwe kiriye mijar. Şikil daye keviran, bi sê alî li objeyan nêriye û ew li ser tabloyan neqiş kiriye. Hevkêşeya li nav çiyayên Culemêrgê, hevkêşeya di nav teht, zinar û çiyayan de bandor lê kiriye û biryar daye ku dê bi ser vê mijarê re bidomîne.

Mamosteyên hunermend Fahrettin Duran ev aliyê serketî yê wî kifş kirine û bi qasî ku ji bo gelek kesan nebe nesîb bêyî gelek dem bi ser mezûnbûna wî re derbas bibe jêre pêşengî kirine û di dawiyê de ev pêşangeh hatiye vekirin.

Pêşangeha Duran li Showrooma Mîne Sanat Galerîsî roja 27'ê gelawêjê hate vekirin û heta 19'ê rezberê dê vekirî be.

Di pêşangeha bi navê "Denge/Balance/Hevkêşe" de 8 tabloyên li ser 'hevkêşe'yê hatine sazkirin cih digirin. Ew dibêje dê pêşangehek din li ser big bangê yanê teqîna mezin saz bike.

Navnîşan: 

Yalıkavak

Palmarina No: D105 Merkez. Mah. Çökertme Cad.

48990, Bodrum / Muğla

Du tabloyên Fahrettin Duran...