Koln
Hunermend Şivan Perwer û Diyar ji bo alîkariya malbateke bê mal konsereke li dar xistin.

Ji bo alîkariya malbateke bê mal a li navçeya Qereqoçana Elezîzê hunermend Diyar konsereke organîze kir. Di konsera ku li Kolnê li dar ket de hunermend Diyar û Şivan Perwer derketin ser dikê.
Konser duh êvanê li Întersaalê li dar ket, digel Şivan Perwer û Diyar, hunermendên ciwan Serdar Azad, Husenê Hemê jî derketin ser dikê.

Hozan Cewad, Şemdîn, Seyîdxan, Kawa, Beser Şahin jî di nav de bi sedan kes beşdarî konserê bû.

Konser bi diruşma "Em bi hev re maleke ji malbata bê mal re çêbikin" li dar ket û organîzetorê konserê Diyar wisa got: "Ez çûm Qereqoçanê, li kêleka gundê me malbateke mala wan xira bûbû min dît. Li gundê me maleke dane wan, lê ji ber ku kevn bûye ew jî xira bûye, malbat jî li depoya dibistanê maye. Ji wir jî hatine qewirandin. Niha di rewşeke xirab de ne. Min jî projeyeke wisa li dar xist. Min bi Şivan Perwer re xeber da û me konsereke wisa li dar xist."

Hunermend Şivan Perwer jî da zanîn ku li Kurdistanê gelek malbatên bi vî rengî hene û wiha berdewam kir: "Em nikarin alîkariya hemûyan bikin. Lê yek tenê jî rizgar bibe girîng e. Armanca me ew e ku em alîkariyên bi vî rengî zêde bikin."

Hunermend Diyar got ku duyemîn konsera xwe jî dê di meha tîrmehê de li Qereqoçanê li dar mixin.

Ji ANF NEWS AGENCY hatiye girtin