Diyarname
Piştî Yaşar Kemal, Orhan Pamuk, Tarkan û Orhan Gencebay hunermend Sezen Aksu jî piştgirî da kampanyaya Heskîfê.

Komeleya Xwezayê û Kovara Atlasê li hemberî çêkirina Bendava Ilisûyê û ji bo rizgariya Newala Dîcle û Heskîfê kampanyaya îmzeyê dabû dest pê kirin. Piştî hunermendên navdar Tarkan û Orhan Gencebay, xwediyê Xelata Nobelê ya Wêjeyê Orhan Pamuk û dûre jî Yaşar Kemal îmze avêtibû bin metnê û piştgiriya xwe pêşkêş kiribûn. Vê carê jî hunermenda navdar Sezen Aksu piştgiriya xwe ya ji bo Heskîfê eşkere kir.

Wezîrê Hawir û Daristanê yê Tirkiyeyê Veysel Eroglu çendek berê beşdarî daxuyaniya çapemeniyê ya ji bo çêkirina Bendava Ilisû bûbû û ji bo hunermend û nivîskarên ku dijî bendavê derdikevin û piştgirî didin rizgariya Heskîfê gotibû. "Ew tên lîstika cudaxwazan".
Niha piştgiriya Sezen Aksu ya ji bo projeyê wekî bersiveke ji bo Wezîr Eroglu hate nirxandin.

***

Nûçeyên eleqedar:

- Em destûrê nadin ên ku dixwazin Heskîfê têk bibin

- Şaredarê Batmanê ji bo Heskîfê name şand

- Yaşar Kemal jî piştgirî da Heskîfê

- Ji Hewldana Jiyandina Heskîfê bangeke nû

- Orhan Pamuk ji bo Heskîfê name îmze kir

- Ji bo Heskîf û Newala Dîcleyê îmzayek

- Tarkan ji Guney bo Heskifê piştgirî xwest