Diyarname
Weşanên Avestayê di 20 saliya qetilkirina Abdurahman Qasimlo de wî bibîr tîne û ji bo vê yekê pirtûkên wî pêşkêş dike.

Abdurrahman Qasimlo, ronakbîr û akademîsyenê kurd û Serokê PDK-Îranê bû ku di 13'yê tîrmeha 1989'an de li Viyanê, li paytexta Awusturya, bi mebesta ’hevdîtinên bo aştiyê’ ji aliyê ’dîplomat’ên Îranî ve hatibû qetilkirin. Tevî 20 sal di ser vê bûyerê re çûne û ev bûyer li welatekî demokratîk ê Ewrûpa bûye, heta niha kes nehatiye cezakirin.

Avesta di vê salvegera Qasimlo de kitêba wî ya bi navê "Kurd û Kurdistan" ku di 1965'an de bi îngilîzî çap bûbû û di nav lêkolînên kurdî yên li Ewropayê de yek ji xebata destpêkê ye, berî demekê bi zimanê tirkî derketibû pêşkêş dike. Her wiha vêga biyografiya Qasimlo ku wekî biyografiya herî baş a li ser şexsiyetekî kurd tê dîtin çap kir.

Rojnamegera Venezuelayî Carol Prunhubr, di kitêba bi navê "Kurdistan’i duşlerken, Kurt Rahman’in tutkusu ve olumu" de dide ser şopa vê bûyerê, ji hevdîtinên bi şahid û kesê têkildar heta bi dokumanan fermî, vê suîkasta siyasî ku dirûtiya sîstema navnetewî nîşan dide, zelal dike.
Kitêba ku bi qetilkirina Qasimlo dest pê dike, bi kuştina Simko Axayê Şikak diqede:  "Dengê giriyê zarokekî ku li maleke nêzîk çêbûbû tevlî dengê potînên leşkerê Îranê yên ku di kolanên bajêr de tevlî xwîna kurdan dimeşiyan, dibû. Diya wî bi kêfxweşî li dengê wî guhdarî dikir. Ev zarokekî kurd bû. Navê wî Abdurrahman danîn. Bavê wî li aliyekî ji bo bûyîna kurê xwe kêfxweş bû, ji aliyê din ve ji ber mirina Simkoyê kurd digiriya."   

Kitêba Qasimlo a bi navê "Çil Sal Xebat di Riya Azadiyê de" jî bi kurdî ji nav weşanên Avestayê de derketibû.