Diyarname

Malperek îdîa kir ku Serokdewletê DYA'yê Donald Trump ji bo Nînova ku Şengal jî di nav de ye xweserî xwestiye. Malperê roja 21'ê adarê ev îdîa weşand û her wiha got ku Trump xwestiye Kerkûk jî bê parastin.

Ev îdîa ji aliyê malpera DEBKAF ve hatiye weşandin. Tê gotin ku di nav nivîskarên malperê de ajanên berê yên MOSSAD'ê û malnişînên ji Wezareta Parastina Îsraîlê di nav nivîskarên vê malperê de hene.

Malperê hin agahiyên di hevdîtina Trump û Serokwezîrê Iraqê El-Abadî de derbas bûne wekî xal bi xal weşandine.

Malperê îdîa kiriye ku Trumpî gotiye ku piştî DAIŞ bê qewirandin ji bo pêşeroja Iraqê divê ev bêne kirin:

- 10 hezar mîlîtananê şiî ku alîgirê Îranê ne divê ji welat bêne qewirandin.

- Divê hikumeta Iraqê guh bide fetwaya Ayetullah Elî Sîstanî ya ku bila mîlîtanên Şîa çekan berdin û vegerin malên xwe.

- Divê Abadî soz bide Misûlê ku bajarek sunî ye lê hikumetek sunî bê avakirin û destûr nede ku tu navçe ji aliyê mîlîtanên şiî ve bêne bidestxistin.

- Divê destûr bê dayîn ku li Nînovayê (nota werger: Şengal jî di nav virde tê hesibandin) kêmareyên ne Misliman xwe bi rê ve bibin ku di nav van de xiristiyan, suryanî, tirkmen û êzîdî hene.

- Herêma kurdan Kerkûk ku wekî çavkaniya petrolê tê hesibandin divê bê parastin.