Cemil Oguz

Rojên Belgefîlman a Stenbolê Documentarist tam 10 sal in ji gelek waran belgefîlmên cur bi cur pêşkêş dike. Belgefîlmên kurdî ku di vê qadê de ji xwe re cih dibînin îsal jî gelek hene. Û îsal yekemî car e belgefîlm bê pere têne nîşandayîn.

Di serî de organîzetor Necati Sonmez û Emel Çelebî, komek belgefîlmhev ev 10 sal in ked didin Documentaristê. Documentarîst ku di 10 saliya xwe de hin nûbûnan pêşkêş dike yek ji wan ew e ku ji bo îsal dê 9 roj belgefîlm bêne nîşandayîn. Di bernameya taybet de a 10 salî de gelek çalakî jî hene.
Documentarist îsal di navbera 17-25'ê vê mehê de li dar dikeve. Mêvanê rûmetê yê îsal sînemagerê ji Fînlandiyayê Pirjo Honkasalo ye. Documentarist ku heta îsal tenê li aliyê Ewropayê ya Stenbolê belgefîlm nîşan dide, îsal li Kadikoy jî nîşan dide. Li aliyê Ewropayê li Beyogluyê li salona Aynaligeçit, Sînemaya Atlas, Enstîtuya Goethe û li Kadikoy jî li Navenda Çanda Bariş Manço têne nîşandayîn.

Fîlmên xelat girtine
Documentarîstê heta niha her sal xelat dida belgefîlmekî ku yekemîn an duyemîn belgefîlmê derhenêr e û îsal van belgefîlmên xelatgir carek din derdixe pêşberî belgefîlmhezan.

'Li Tirkiyeya Rewşa Awarte de Vîdeo Aktîvîzm'
Di nav bernameyê de gelek çalakî wekî forûm, dersên sînemayê hene. Yek ji wan jî "Li Tirkiyeya Rewşa Awarte de Vîdeo Aktîvîzm" heye ku di bin moderatoriya Dr. Şîrîn Fulya Erensoy de dê li dar bikeve. Di forûmê de wê Mervan Kizil, Onur Yildirim, Orak Gerek, İmre Azem, Alper Şen, Fatih Pinar, Seyr-i Sokak wekî axifger cih bigirin.

Radyo Kobanî
Di nav bernameya festîvalê de belgefîlmên "Radyoyê Kobanî" ku li gelek festîvalan nav dan di nav beşa "Hilbijêra Navneteweyî de" cih digire. Ji bilî vê hin belgefîlmên din ên bi kurdî jî hene.

Vane hin fîlmên zimanê wan kurdî ye jî:

Radio Kobanî / Derhêner Rêber Doskî
Piştî çeteyên DAIŞ'ê li Kobanî têk diçin rojnamegerê kurd Dilovan li Kobanî radyoyek ava dike. Ew dest pê dikin ligel penaberan, ligel yên ji şer sax filitîne, ligel berxwedêran û ligel muzîkaran hevpeyvînan dikin. Belgefîlm rewşa wê derê tîne ziman.
(Belgefîlm bi kurdî ye)

Ji aliyê sêyemîn ve êrîş / Derhêner Sedat Şahin, Murat Adıyaman
Fîlm çîroka Tîma Jinan a Fûtbolê ya Hakkarîgucu nîşan dide. Fîlm ligel lîstika wan keda lîstikvanan a xweşkirina jiyanê jî nîşan dide.

Hêlîn / Derhêner Firat Gurgen
Li bajarên kurdan piştî koça di navbera salên 1984-1997'an de hin vedigerin cih û warên xwe. Dema vedigerin malên xwe yên xirabûne, şewitîne dîtin. Gundî dikin xaniyên xwe saz bikin lê Hêlîn ne bi pirsên "Şer çi bû, kî bû?" ne eleqedar e. Di belgefîlm de hewldana ev mirovên vegeriyane cih digire.
(Belgefîlm bi kurdî ye)

Return (Veger) / Derhêner Valeria Mazzucchi
Rojnameger Jérôme Bastion ev 20 sal in li Stenbolê dijî û ji bo FRI (Radio France Internationale) nûçegîhan3i dike û ji bo hemû guhdarên radyoyê yên dinyayê nûçeyên girîng pêşkêş bike. Belgefîlm li ser Erdogana Tirkiyeyêe ku her diçe azadî têne astengkirin, şîdet bilind dibe disekine.
(belgefîlm bi fransizî, kurdî û tirkî ye)

Gozyaşina Yer Yok (Ji bo hêstiran cih nîn e) / Derhêner Reyan Tuvi
Li ser sînorê bakur û rojava... Dem ji serdema berxwedana Kobanî ye. Yên ji Kobanî hatine li gundê Mahesera Pirsûsê bi cih bûne. Belgefîlm wê demê, wekî çavkaniyan bi ser şerek dijwar re nîşan dide.
(Belgefîlm bi kurdî û tirkî ye)

**

Ji bo daxistina bernameya Documentarîstê:
DOCUMENTARIST-207-BERNAME 

 Fragmana Documentaristê: