Diyarname
Tûrnûvayên Kûpaya Cîhanê her havînan li dar diketen lê di ya 2022'yan de guherîn çêbû: Tûrnûva dê meha dawî a payîzê dest pê bike û meha yekem a zivistanê bi dawî bibe. Ev yek dê bandorê li lîgên welatan jî bike.
Kûpaya Cîhanê ya 2022'yan dê li Katarê li dar bikeve. Serokê Giştî yê FIFA'yê Gianni Infantino berî bi dawîbûna Kûpaya Cîhanê 2018'an agahî da rojnamegeran û got ku dê Kûpaya Cîhanê ya 2022'yan roja 21'ê sermaweza 2022'yan dest pê bike û roja 18'ê berfanbara 2022'yan bi dawî bibe.
Ji ber ku li Katarê hewa germ e nîqaşa dê çawa bê lîstin hatibû kirin û bi vê yekê tûrnûva anîn mehên hênik. Bi vê yekê re yekem car e di vê demê de dê kûpa bê lîstin.
Niha 32 tîm beşdarî tûrnûvayê bûne û amadehî heye ku di tûrnûvaya bê de 48 tîm hebin. Hê biryarek wisa nehatiye girtin lê li ser xebat heye. Ger biryar neyê girtin dê dîsa tûrnûvaya 2022'yan jî bi 32 tîman dest pê bike.
Hemû lîg dê lîgên xwe li gor vê bernameyê amade bikin û wisa diyar e wê demê dê li welatan navberê bidin lîgan.