Diyarname

Di çarçoveya "Hefteya Zimanê Kurdî" ku ji aliyê Koma Wêjeya Kurdî ya Zanîngeha Bogazîçî ve hate li dar xistin bi kurdî panel û konser li dar ket.

Di çarçoveya "Hefteya Zimanê Kurdî" de xwendekarên zanîngehên li zanîngehê afîşên bi kurdî daliqandine, standên pirtûkên kurdî vekirine û çalakiyan bi kurdî li dar dixin. Di vê çarçoveyê de duh êvarê paneleke bi mijarên ziman, wêje û wergera bi kurdî bû li dar ket. Panela ku ji aliyê Yûsiv Biyanî ve hate bi rê ve birin de, Serokê Enstîtuya Kurdî ya Stenbolê Sami Tan li ser ziman, wêjevan Miraz Ronî li ser wêjeyê, helbestvan û werger Kawa Nemir jî li ser wegerê axivî.

Zimanzan Tan ji dîroka gelan mînakên têkoşîna ji bo ziman da û hat ser têkoşîna kurdan a ji bo zimanê kurdî. Tan da zanîn ku parastina ziman parastina hebûn û nebûnê ye. Samî Tan diyar kir ku di netewedewletan de yek ziman li ser gelan hatiye ferzkirin û got ku niha êdî dema pirzimanî û pirçandî ye. Tan wisa got: "Ji bo pêşerojê, ji bo mirovahiyê pirçandî û pir zimanî lazim e. Em ziman û çanda xwe bikar bînin, em ji ziman û çanda xwe hez bikin,emê ji yên din jî hez bikin."

Wêjevan Miraz Ronî jî li ser berhemên pêşîn ên wêjeyî yên kurdan sekinî, di warê kurmancî de diyar kir ku berhemên pêşîn heta dema Eliyê Herîrî, sala 1400'î diçe.

Ronî qala destan û çîrokên gelêrî yên kurdan kir, bal kişand ser windabûna wan û ji bo roja îro jî wisa got: "Ji alî nivîskî ve kurd zêde ne pêşketî ne lê ji alî devkî ve gelek dewlemend in. Îro zimanê wêjeya kurdî ji mirinê filitî ye. Ger li gor pêdiviyên îro tevbigerin wê dewlemendî derkeve holê."

Wergêr û helbestvan Kawa Nemir jî piştî bal kişand Serdema Rewşanê û wergera ku wan wê demê dikir. Nemir ji bo zimanekî li ser girîngiya wergerê sekinî û ev yek lê zêde kir: "Ji bo ku berhemên me hebin, ji bo em berhemên kurdî derxin holê divê em wergera dinyayê nas bikin. Werger fonksiyonel e, ji bo zimanê xwe pêş bixe divê ji aliyê kesan ve bê kirin."

Piştî panelê konsera Agirê Jiyan û Jêhat lidar ket.

Di çarçoveya "Hefteya Zimanê Kurdî" de çalakî îro û sibê jî wê bidomin.

Ji bo agahî û nûçeya eleqedar:

- Li ZB'yê 'Hefteya Zimanê Kurdî'