Diyarname

Şanogeha Muammer Karaca ku ji bo gelek çalakiyên kurdan jî mazûvanî kiribû û ev çend sal bûn Şaredariya Bajarê Mezin girtibû dê dîsa vebe.

Şanogeha Muammer Karaca li Beyogluya Stenbolê li ser Kolana Îstîklalê ye û girêdayî Şaredariya Bajarê Mezin a Setnbolê ye. Şanogehê ligel bi hezaran xebatên tirkan, heta niha ji bo şano, konser û çalakiyên din ên kurdan jî mazûvanî kiribû. Şaredariya Bajarê Mezin ev 7 sal bûn bi sedema dê restore bikin deriyê wê girtibû. Û ev heft sal in pencere û deriyên wê rizîne lê ne şaredarî dest avêtiye û restore dike ne jî daye saziyek din. Niha hêviyek nû ji bo şanogehê derket holê. Şaredarê Bajarê Mezin ê Stenbolê Ekrem Îmamoglu ku di 31'ê adarê de hat hilbijartin dest avêt şanogehê jî.

Hemwelatiyan bi ser twitterê re bang li Îmamoglu kiribûn ku dest biavêje şanogehê, Îmamoglu ji ser twittera xwe re wisa got: "Şageha Muammer Karaca li gor rastiya xwe dê bê nûkirin. Ji bo carek din vegere rojên berê yên çand û hunerê ya Beyogluyê ezê vê pêvajoyê ji nû ve bişopînim."