Stenbol
TUSÎAD'ê xwest 1'ê Gulanê wekî "Cejna Xebatê" bê pîrozkirin. Sendîkavanan jî diyar kir ku dê ji sê milan biçin Taksîmê.

Sendîkayan ji hikumetê xwestibû ku 1'ê Gulanê Roja Karkerên Cîhanê li Tirkiyeyê jî wekî Cejna Fermî bê pejirandin lê hikumetê ev yek qebûl nekir, tenê biryar da ku ev roj "Roja Piştgirî û Kedê" bê pîrozkirin. Sendîka dijî vê derketin û israra xwe didomînin. Di rewşeke wisa de patronan piştgirî da sendîkavanan. TUSÎAD'ê îro daxuyaniyeke nivîskî weşand, diyar kir ku di pêvajoya beşdariya Yekîtiya Ewropayê (YE) de Tirkiye divê bibe xwedî mercên baş ên xebatê û wiha berdewam kir: "Dema her sal 1 Gulan wekî 'Cejna Xebatê' bê pîrozkirin hem ji aliyê hurmeta ji bo kedê, hem jî ji aliyê pêşketina aborî û civakî ve dê moralê li keda me bike."

Karker sê aliyan ve dê bimeşin

Ji aliyê din ve nûnerên sendîkayan îro daxuyaniyeke dan çapemeniyê û gotin ku dê sê aliyan ve ber bi Taksîmê ve bimeşin. Li gor daxuyaniya sendîkaran saet 11.00'an de dê Turk-Îş ji aliyê Dolmabahçe, DÎSK ji aliyê Şişli ve û KESK jî ji aliyê Şişhane ve ber bi Taksîmê ve bimeşin û 1'ê Gulanê li Taksîmê pîroz bikin.
Nûneran got; "Peywira hikumetê ew e ku me biparêze." Her wiha ew bi xwe jî dê ewlehiya xwe saz bikin